જિલ્લા પોલીસ વડા સહિત ના અધિકારીઓ એ નિવૃત જીવનની શુભેચ્છા પાઠવી..
પાટણ તા. ૧
પાટણ જિલ્લા પોલીસ અધિક્ષક વિજય પટેલ ની અધ્યક્ષતામાં પાટણ જીલ્લા પોલીસ ખાતામાં ફરજ બજાવતા પોલીસ અધિકારી/કર્મચારીઓ પૈકીના તા.૧/૧/૨૦૨૩ થી તા.૩૦/૬/૨૦૨૩ સુધીના સમયગાળા દરમ્યાન વય નિવૃત થયેલ ૧ પોલીસ અધિકારી તથા કુલ -૧૬ કર્મચારીનાઓનો સમૂહ નિવૃત વિદાય સન્માન સમારોહ કાર્યક્રમ પોલીસ અધિક્ષકની કચેરી પાટણ ખાતે શુક્રવારે સાંજે આયોજિત કરવામાં આવ્યો હતો.
આ પ્રસંગે નિવૃત થનાર પોલીસ અધિકારી/કર્મચારીઓને તેમના પરિવારજનો અને પોલીસ અધિકારીઓ કર્મચારીઓની ઉપસ્થિત મા જિલ્લા પોલીસ વડા સહિત ના અધિકારીઓના વરદ હસ્તે પ્રશંસાપત્ર, મોમેન્ટો વિગેરે એનાયત કરી તેઓનો નિવૃત્તિકાળ સુખમય અને આરોગ્યમય રહે તેવી શુભેચ્છાઓ પાઠવવામાં આવી.
વય મર્યાદા ને લઇ નિવૃત થતાં પોલીસ અધિકારી સહિત ના પોલીસ કમૅચારીઓએ પોતાની ફરજ દરમ્યાન અધિકારીઓ સહિત સહ કમૅચારીઓના મળેલ સહકાર બદલ આભારની લાગણી વ્યક્ત કરી હતી.
અહેવાલ યશપાલ સ્વામી
