પાટણમાં પ્રથમવાર હાથીની અંબાડી ઉપર શિવ પુરાણ સાથે 12 જ્યોતિર્લિંગની શોભાયાત્રાનીકળી.

શોભાયાત્રા મા મોટી સંખ્યામાં ભાવિક ભક્તોએ જોડાઈ દર્શન નો લાભ લીધો..

પાટણમાં આનંદેશ્વર મહાદેવ ના સાનિધ્યમાં શિવની આરાધના માટે અતિરુદ્ર મહાયજ્ઞનું આયોજન…

પાટણ તા. 22 પાટણમાં આનંદેશ્વર મહાદેવ ના સાનિધ્યમાં શિવની આરાધના માટે આયોજિત અતિરુદ્ર મહાયજ્ઞના ભાગરૂપે શનિવારે શહેરમાં પ્રથમવાર હાથીની અંબાડી ઉપર શિવ પુરાણ મૂકી તેની સાથે પ્રતિક રૂપી બાર જ્યોતિર્લિંગના દર્શન કરાવતી ભવ્ય શોભાયાત્રા શહેરની એમ એન હાઈસ્કૂલ ખાતેથી શિવજી ની આરતી કરી પ્રસ્થાન થઈ હતી.

જે શોભાયાત્રામાં 5 ઘોડા પર શિવજી સહિત પીતાંબર ધારી યુવાનો સહિત મોટી સંખ્યામાં ભાવિક ભક્તો જોડ્યા હતા. અને દર્શન નો લાભ લઈ ધન્યતા અનુભવી હતી.

પાટણમાં સરસ્વતી નદીના કાંઠે આવેલા આનંદેશ્વર મહાદેવના સાનિધ્યમાં પવિત્ર શ્રાવણ માસ નિમિત્તે તા. 1 થી તા. 11 નવેમ્બર સુધી અગિયાર દિવસ દરમિયાન ઇન્ટરનેશનલ શિવ કથાકાર લંકેશ બાપુની નિશ્રામાં અતિરુદ્ર મહાયજ્ઞનું ભવ્ય આયોજન કરવામાં આવ્યુ છે.

જેના ભાગ રૂપે શહેરમાં વર્ષો પહેલા રાજા સિદ્ધરાજ દ્વારા હાથીની અંબાડી ઉપર હેમચંદ્રાચાર્ય રચિત હેમચંદ્રાચાર્ય શબ્દાનુશાસન ગ્રંથને મૂકી શહેરમાં ભવ્ય શોભાયાત્રા કાઢવામાં આવી હતી.

તેવી જ રીતે શનિવારે શહેરની શેઠ એમ.એન.હાઇસ્કુલ ખાતે થી શિવપુરાણ ગ્રંથને હાથીની અંબાડી ઉપર મૂકી પ્રતીક રૂપી 12 જ્યોતિર્લિંગનીઉટલારી માં મૂકી ભવ્ય શિવયાત્રા શિવજી ની આરતી કરી પ્રસ્થાન થઈ હતી.

આ શોભાયાત્રા મા યુવાનો પીતાંબર ધારી વસ્ત્રો ધારણ સાથે મોટી સંખ્યામાં ભાવિક ભક્તોજોડાયા હતા.

આ શિવયાત્રા શહેર ની એમ એન હાઈસ્કૂલ થી નીકળી રતન પોળ, ત્રણ દરવાજા ,મેઈન બજાર, બગવાડા થઈ બગેશ્વર મહાદેવ મંદિર સંપન્ન બની હતી.