પાટણ તા. 27 પાટણ તાલુકાના હાજીપુર ની ખેલાડી અને ગુજરાતનું ગૌરવ નિરમા ઠાકોર વર્લ્ડ યુનિવર્સીટી સ્પર્ધા રમવા આગામી તારીખ ૨૭ જુલાઈથી ચાઈના જઈ રહી છે. ત્યારે તેને પ્રોત્સાહિત કરવા સમગ્ર હાજીપુર ગ્રામજનો દ્વારા ગૌરવ પર્વ કાર્યક્રમનું ગુરૂવારે આયોજન કરવામાં આવતા હાજીપુરમાં દિવાળી જેવું વાતવરણ જોવા મળ્યું હતું.
આ કાર્યક્રમમાં પાટણ જિલ્લા રમત ગમત વિકાસ અધિકારી કિરણભાઈ પટેલ,ગુજરાત ક્ષત્રિય ઠાકોર સેનાનાં પાટણ તાલુકા પ્રમુખ જગદેવજી ઠાકોર, પ્રયાસ ફાઉન્ડેશન પાટણ માંથી પારસભાઈ પટેલ,ક્રિષ્ના ગ્રુપ પાટણ માથી કિરણભાઈ દેસાઈ, વેબસંકુલ પાટણમાથી હાર્દિકભાઈ દેસાઈ અને લાલાભાઈ દેસાઈ, પાટણ તાલુકા સદસ્ય કિરણજી ઠાકોર,ખો-ખો કોચ જીમીતભાઈ .ટીમ મેનેજર કિરીટભાઈ, બરોડા ગ્રામિણ સ્વરોજગાર સંસ્થા માંથી મુકેશભાઈ ઠાકોર, માનસિંહભાઈ ઠાકોર,કોમર્સ કોલેજ પાટણના લાખનભાઈ, રૂક્ષ્મણી વિદ્યાલયના આચાર્ય શાંતિભાઈ, હાજીપુર પ્રાથમિક શાળાનાં આચાર્ય હરગોવનભાઈ સહિત હાજીપુર કેળવણી મંડળનાં તમામ સભ્યો તેમજ હાજીપુર ગામના ગ્રામજનોએ મોટી સંખ્યામાં હાજર રહી નિરમા ઠાકોરને શુભકામનાઓ પાઠવી હતી.
