વિ.હિ.પ અને બજરંગદળ પાટણ જિલ્લા દ્વારા ધામિર્ક વૃજમંડળ યાત્રા પર થયેલા હુમલાને વખોડયો..

બગવાડા દરવાજા ખાતે આતંકીઓ વિરુદ્ધ સુત્રોચ્ચાર કરી પુતળા દહન કરાયું..

પાટણ તા. 3 વિશ્વ હિન્દુ પરિષદની યુવા પાંખ બજરંગદળ દ્રારા દેશમાં વધી રહેલી ઇસ્લામિક જેહાદી કટ્ટરપંથીઓની ઉગ્રવાદી ઘટનાઓને સખત શબ્દોમાં વખોડી બહાર આવતા જેહાદી કટ્ટરપંથીઓ સતત હિંદુ સમાજ ની ધાર્મિક યાત્રા અને હિંદુઓના ઘર સળગાવી રહ્યા છે અને તેમના પર જીવલેણ હુમલા કરી રહ્યા છે.

ત્યારે તાજેતરમાં હરિયાણા ના નૂહમા નિકળેલી હિન્દુ ધર્મ ની ધામિર્ક વૃજમંડળ યાત્રા ઉપર બનેલી હિંસક ઘટનાના વિરોધમાં ગુરૂવારે વિહિપ અને બજરંગદળ દ્રારા દેશભરના જિલ્લા મુખ્યાલયો ખાતે ધરણા પ્રદર્શન કરવાનો કાર્યક્રમ આયોજિત કરવામાં આવ્યો હતો.

ત્યારે પાટણ જિલ્લા વિહિપ અને બજરંગદળ ના કાર્યકતૉઓ દ્રારા શહેરના બગવાડા દરવાજા ખાતે આતંકવાદી સંગઠનો વિરુદ્ધ સુત્રોચ્ચાર કરી પૂતળા દહન કરવામાં આવ્યું હતું. પાટણ શહેરના બગવાડા દરવાજા ખાતે વિશ્વ હિંદુ પરિષદ અને બજરંગ દળ દ્વારા આયોજિત કરાયેલા કાર્યક્રમને લઈને કોઈ અનિચ્છનીય ઘટના ન ઘટે તે માટે પોલીસ તંત્ર દ્વારા ચુસ્ત પોલીસ બંદોબસ્ત તૈનાત કરવામાં આવ્યો હતો.

અહેવાલ યશપાલ સ્વામી