રોકડ રકમ સહિત જુગારના મુદ્દા માલ સાથે ઝડપાયેલા જુગારીયાઓ સામે કાયદેસરની કાર્યવાહી હાથ ધરાઈ..
પાટણ તા. 4.
પાટણ શહેર સહિત સમગ્ર જિલ્લામાં દારૂ જુગારની બદી ને ડામી દેવા જિલ્લા પોલીસ વડા દ્વારા કરાયેલા આદેશ અનુસાર પાટણ એલસીબી પીઆઇ સહિતની ટીમે પેટ્રોલિંગ સધન બનાવી દારૂ જુગાર ની બદી ને ડામી દેવા ચક્રો ગતિમાન બનાવતા સિધ્ધપુર રાધનપુર અને હારીજ પંથકમાંથી 30 જેટલા જુગારીઓને આબાદ ઝડપી લઈ કાયદેસરની કાર્યવાહી હાથ ધરતા પાટણ શહેર અને પંથકમાં સામાજિક પ્રવૃત્તિ કરતા શખ્સોમાં સનસનાટી વ્યાપી જવા પામી છે.પાટણ શહેર અને જિલ્લામાં શ્રાવણ માસ નજીક આવતાની સાથે જ જુગાર ધામો ધમધમતા થતાં હોય છે ત્યારે દારૂ જુગારની આ બદી ને ફેલાતી અટકાવવા જિલ્લા પોલીસ વડા દ્રારા દરેક પોલીસ સ્ટેશનમાં કડક સૂચનાઓ આપવામાં આવતાં પાટણ એલસીબી પીઆઈ સહિત ટીમે ચક્રો ગતિમાન કરતાં ગતરોજ સિધ્ધપુર, રાધનપુર અને હારીજ પંથકમાં પેટ્રોલિંગ દરમિયાન ખાનગી રહે મળેલી બાતમીના આધારે રેડ કરીને 30 જેટલા જુગારીયાઓને રોકડ રકમ અને જુગારના સાહિત્ય સહિતના મુદ્દા માલ સાથે આબાદ ઝડપી લઇ તમામ જુગારી ઇસમો સામે જુગાર ધારા ની કલમ હેઠળ ગુનો નોંધી કાયદેસરની કાર્યવાહી હાથ કરતા જુગારીયા ઈસમો સહિત સામાજિક પ્રવૃત્તિ કરતા ઇસમોમાં ફફડાટ વ્યાપી જવા પામ્યો છે.
અહેવાલ યશપાલ સ્વામી
