પાટણ તા. 4 કોંગ્રેસ પક્ષના નેતા રાહુલ ગાંધી ને માનહાનિ કેસમાં શુક્રવારે નામદાર સુપ્રીમ કોર્ટ દ્વારા ૨ વર્ષની સજા પર રોક લગાવવામાં આવી છે. ત્યારે નામદાર સુપ્રીમ કોર્ટના નિર્યણ ને સૌ કોંગ્રેસે આવકારી આ જીત કોંગ્રેસ પક્ષની નથી આ જીત ઇન્ડિયા ની અને દેશની જનતા ની છે તેવા ઉદગારો વ્યકત કર્યા હતા. રાહુલ ગાંધી ના તરફેણમાં સુપ્રિમ કોર્ટે આપેલા ચુકાદાને લઈને શુક્રવારે કોગ્રેસ દ્રારા ખુશી વ્યક્ત કરી આતશબાજી કરી હતી.ત્યારે પાટણ શહેર ના બગવાડા દરવાજા ખાતે પાટણ જિલ્લા કોંગ્રેસ સમિતિ દ્વારા ફટાકડા ફોડી નામદાર સુપ્રીમ કોર્ટના નિર્યણ ને આવકાર્યો હતો આ પ્રસંગે મોટી સંખ્યામાં કોગ્રેસના આગેવાનો, કાર્યકરો ઉપસ્થિત રહ્યા હતા.
અહેવાલ યશપાલ સ્વામી
