પાટણ તા. 6 પાટણ-સિધ્ધપુર હાઇવે પર આવેલા રૂની ખાતેની શ્રી સરસ્વતી એજયુકેશન ચેરિટેબલ ટ્રસ્ટ સંચાલિત ઉડાન વિદ્યાલયના જુનિયર કેજી, સિનિયર કેજી તેમજ ધોરણ 1 થી 8 ના 400 થી વધુવિદ્યાર્થીઓ સહિત સમગ્ર સ્ટાફ પરિવારે શનિવારના રોજ વિદ્યાલય કેમ્પસ ખાતે સમૂહમાં શ્રી હનુમાન ચાલીસા પાઠનું પઠન કરી સમગ્ર વાતાવરણને ભગવાન શ્રી હનુમાનજી મય બનાવ્યું હતું.
ઉડાન વિદ્યાલય ખાતે શનિવારે હનુમાનજીના પવિત્ર દિવસે આયોજિત કરાયેલા આ સમૂહ હનુમાન ચાલીસા પાઠના પઠનનો મુખ્ય ઉદ્દેશ બાળકોમાં નાનપણથી જ શ્રી હનુમાનજી મહારાજ વિશે ધાર્મિક સંસ્કારોનું સિંચન કરવાનો રહેલ હોવાનું શાળાના સંચાલક ચેતનભાઇ બારોટ જણાવ્યું હતું.
અહેવાલ યશપાલ સ્વામી
