પાટણ તા. 16 પાટણ શહેરના ગાંધી સ્મૃતિ હોલ ખાતે સ્વતંત્રતા પર્વ નિમિત્તે અનેકવિધ સેવાકીય પ્રવૃત્તિ કરતી સંસ્થા લોકપ્રિય વિકાસ ચેરીટેબલ ટ્રસ્ટ દ્વારા સર્વ સમાજના તેજસ્વી તારલાઓનો સન્માન અભિવાદન કાર્યક્રમ રાખવામાં આવ્યો હતો.
આ કાર્યક્રમ માં 44 કરતાં વધારે ધોરણ 10 અને 12 તેજસ્વી તારલાઓ, રમત ગમત અને શિક્ષણક્ષેત્રે નામ રોશન કરનારાઓ તેમજ તાજેતરમાં જ ચાઈના ખાતે વલ્ડૅ યુનિવર્સિટી મેરેથોન દોડમાં ભારતનું પ્રતિનિધિત્વ કરનાર નિરમા ઠાકોર ,બી.એડ માં રાજ્યમાં પ્રથમ આવનાર આરતી ઠાકોર અને બી.એસ.એફ માં પસંદગી પામનાર કિંજલ ઠાકોર નું સવિશેષ સન્માન કરવામાં આવ્યું હતું.
આ કાર્યક્રમમાં મુખ્ય મહેમાન તરીકે પાલડી આશ્રમના સંત વિષ્ણુ રામ,ખલીપુર આશ્રમના સંત સહિત પાટણ તાલુકા ભાજપ બક્ષીપંચમોરચાના મહામંત્રી ગોવિંદભાઈ પ્રજાપતિ,રમેશભાઈ દેસાઈ,ચેતનાબેનપ્રજાપતિ લોકપ્રિય વિકાસચેરીટેબલ ટ્રસ્ટના અધ્યક્ષ રણજીતસિંહ ઠાકોર,પ્રવીણસિંહ રાઠોડ સહિત મોટી સંખ્યામાં આગેવાનો અને વિદ્યાર્થીઓ ઉપસ્થિત રહ્યા હતા.
અહેવાલ યશપાલ સ્વામી
