પાટણ અને શંખેશ્વરમાં થોડા દિવસોના વિરામ બાદ મેઘરાજાની પધરામણી થઈ..

મેઘરાજાની પધરામણીને લઈને ખેડૂતોના મુરજાતા મોલને જીવતદાન મળવાની આશા બંધાઈ..

પાટણ તા. 20 પાટણ શહેરમાં છેલ્લા કેટલાક દિવસોના વિરામ બાદ રવિવારની સાંજે મેઘરાજાની પધરામણી થતા વાતાવરણમાં ઠંડકનો અહેસાસ જોવા મળ્યો હતો.તો ઘણા સમયના વિરામ બાદ મેઘરાજાની પધરામણી થતા જગતના તાત દ્રારા વાવેતર કરાયેલા અને પાણી વગર મૂર્જાતા મોલને જીવંતદાન પ્રાપ્ત થવાની સંભાવના પ્રબળ બનતા ખેડૂતો ના ચહેરા હરખાયા હતા.

રવિવારે પાટણ શહેરમાં સવારથી વાદળછાયું વાતાવરણ છવાયેલું હતું અને છૂટા છવાયા વરસાદી ફોરા બાદ સાંજે મેઘરાજાની ધીમીધારે શરૂઆત થવા પામી હતી. પાટણ જિલ્લાના શંખેશ્વર પંથકમાં પણ રવિવારે સવારે મેઘરાજાની પધરામણી થઈ હોવાનું જાણવા મળ્યું છે.

અહેવાલ યશપાલ સ્વામી