પંચ પ્રકારનો નૈવેધ ટોપલામાં મુકી બહેનો ઘરે થી પગપાળા વીરદાદા ના સ્થાનકે પહોંચી દાદાને નૈવેધ અપૅણ કરી ધન્યતા અનુભવી..
પાટણ તા. 21 પાટણ શહેરમાં વસતા ઈંટોવાળા પંચ પ્રજાપતિ સમાજ દ્વારા શ્રાવણ સુદ પાંચમના દિવસે વર્ષોની પરંપરા મુજબ શહેરના અનાવાડા ખાતે આવેલ ખેજડીયા વીરદાદા ના મંદિર પરીસર ખાતે ટોપલા ઉજાણી નો પવૅ આનંદ ઉલ્લાસ સાથે ઉજવવામાં આવ્યો હતો. પાટણમાં વસતા ઈંટોવાળા પંચ પ્રજાપતિ સમાજનાં કુળદેવતા અનાવાડા સ્થિત ખેજડીયા વીરદાદાનું સ્થાનક આસ્થાના કેન્દ્ર સમાન માનવામાં આવે છે. શ્રાવણ વદ પાંચમના દિવસે વડવાઓની પરંપરા મુજબ યોજાતી આ ટોપલા ઉજાણી પાછળનું મહત્વ અનેરુ છે જેમાં બહેન પોતાના ભાઈને ઘરે જઈને ખીર, વડા, પુરી, લાપસી જેવી વાનગીઓ બનાવી પોતાના ભાઇના ઘરે પારણુ બંધાય તથા ભાઇની આધિ-વ્યાધી ઉપાધીઓ દૂર થાય તે માટે પ્રાર્થના કરતી હોય છે.
આ બનાવેલ પંચ વાનગીને બહેનો ટોપલામાં ભરીને શ્રી ખેજડીયા વીર દાદાના મંદિર ખાતે પગપાળા પહોચી શ્રી ખેજડીયા વીરદાદા ના સ્થાનકે આ વાનગીઓનું નૈવેધ ધરાવવામાં આવ્યું હતું.તો મંદિર પરીસર ખાતે સમાજના પરીવારોએ વસુદેવ કુટુંબની ભાવનાને ઉજાગર કરવા સમૂહમાં બેસી વીરદાદાની પ્રસાદીને આરોગી એકતાના દર્શન કરાવ્યા હતા. આ પ્રસંગે પ્રજાપતિ સમાજ સહિત અન્ય સમાજના શ્રધ્ધાળુઓએ શ્રી ખેજડીયા વીરદાદાને નૈવેધ પ્રસાદ ધરાવી આર્શીવાદ મેળવ્યા હતા..મંદિર પરીસર ખાતે વહેલી સવારથી જ મેળા જેવો માહોલ સર્જાયો હતો. અને મોટી સંખ્યામાં પ્રજાપતિ સમાજના લોકો દર્શનાર્થે ઉમટી પડ્યા હતા.
અહેવાલ યશપાલ સ્વામી
