ખેડૂત વિભાગના અન્ય ઉમેદવારે લેખિતમા ભાજપ ને સમર્થન જાહેર કર્યુ..
પાટણ તા. 31 પાટણ એપીએમસી ની 16 ડિરેક્ટરોની ચૂંટણી તા. 4-સપ્ટેમ્બર ના રોજ યોજાનાર છે ત્યારે ભારતીય જનતા પાર્ટીની પેનલ ના 16 માથી વેપારી વિભાગના 4 તથા ખરીદ વેચાણ વિભાગ ના 2 ઉમેદવારો બિનહરીફ થયા હતા તેમજ ખેડૂત વિભાગ મા કુલ 11 ફોર્મ ભરાતા ચૂંટણીની શક્યતાઓ સેવાઈ હતી, ભારતીય જનતા પાર્ટીની ખેડૂત વિભાગ ની પેનલ સિવાય વિસલવાસણા ના ખેડૂત પટેલ દિનેશભાઈ કાશીરામભાઇ એ ઉમેદવારી પત્ર ભર્યુ હતુ , પરંતુ તેઓની નાદુરસ્ત તબિયત ના લીધે ફોર્મ ખેંચવાના અંતિમ દિવસે ફોર્મ પરત ખેંચી શક્યા નોહતા જેઓએ ભારતીય જનતા પાર્ટીના જિલ્લા પ્રમુખ ડો. દશરથજી ઠાકોર ને રુબરુ મળીને તેઓ ભારતીય જનતા પાર્ટીના ખેડૂત વિભાગ ના ઉમેદવારોને લેખિતમા સમર્થન આપી પક્ષ ની આખેઆખી પેનલને સમર્થન જાહેર કર્યુ હતુ. તેમજપાટણ એ.પી.એમ.સી.મા ભારતીય જનતા પાર્ટીના નેતૃત્વ મા આગામી દિવસોમા પાટણ ના ખેડૂતો પગભર બનશે તેવો નિર્ધાર કર્યૉ હતો.
અહેવાલ યશપાલ સ્વામી
