પાટણ યુનિવર્સિટીના સ્પોર્ટ ગ્રાઉન્ડ ખાતે બે દિવસીય આયોજિત ઇન્ટર કોલેજ કબડી સ્પર્ધાનો પ્રારંભ..

સ્પર્ધામાં કુલ 61 ટીમો ભાગ લેશે : વિજેતા ટીમ ઇન્ટર યુનિવર્સિટી ની સ્પર્ધામાં ભાગ લેવા જશે..

પાટણ તા. 1 પાટણ યુનિવર્સિટી સંલગ્ન શ્રી બી.પી.બ્રહ્મભટ્ટ આર્ટસ અને એમ.એચ. ગુરુ કોમર્સ કોલેજ ઊંઝાના યજમાન પદે બે દિવસીય ભાઈઓ ની ઇન્ટર કોલેજ કબ્બડી સ્પર્ધા નો શુક્રવારે યુનિવર્સિટીના સ્પોર્ટસ સંકુલ ખાતે પ્રારંભ થયો હતો. જેમાં 61 ટીમો એ ભાગ લીધો હોવાનું જાણવા મળ્યું છે. પાટણ હેમચંદ્રાચાર્ય ઉત્તર ગુજરાત યુનિવર્સિટી ખાતે બે દિવસીય ભાઈઓ ની ઇન્ટર કોલેજ કબ્બડી સ્પર્ધા ના પ્રારંભ પ્રસંગે ઊંઝા કોલેજના પ્રિન્સિપાલ ડો.રાકેશ રાવ, યુનિવર્સિટી શારીરિક શિક્ષણ નિયામક ડો. ચિરાગ પટેલ, સ્પર્ધા મંત્રી ડો.દિવ્યેશ પટેલ ખાસ ઉપસ્થિતિ રહ્યા હતા.

બે દિવસીય ઇન્ટર કોલેજ કબડી સ્પધૉ માં કુલ 61 ટીમો એ ભાગ લીધો છે. આતર કોલેજ કબડ્ડીમાં વિજેતા થયેલ ટીમના પસંદગી પામેલા ખેલાડીઓ ઇન્ટર યુનિવર્સિટી ની આયોજિત સ્પધૉમાં રમવા જશે. આ કબડી સ્પર્ધાનું સંચાલન કબડી એસોસિએશન ઓફ ગુજરાત દ્વારા કરવામાં આવ્યું હોવાનું જાણવા મળ્યું છે.

અહેવાલ યશપાલ સ્વામી