પાટણ તા. 2 નોર્થ ગુજરાત એજ્યુકેશન સોસાયટી દ્વારા સંચાલિત પાટણની ભગવતી ઇન્ટરનેશનલ પબ્લિક સ્કૂલમાં યજુર્વેદ હાઉસના અને ઋગ્વેદ હાઉસના વિદ્યાર્થીઓ દ્વારા ગણેશ શ્રી કૃષ્ણ જન્મોત્સવની ભવ્ય ઉજવણી કરવામાં આવી હતી.
આ ભવ્ય સાંસ્કૃતિક કાર્યક્રમમાં ભગવાન શ્રી ગણેશની સૌપ્રથમ પૂજા કરવામાં આવતી હોવાનું મહત્વ દર્શાવતું નાટક યજુર્વેદ હાઉસના બાળકો દ્વારા રજૂ કરવામાં આવ્યું હતું. ત્યારબાદ ખૂબ જ વાજતે-ગાજતે ભગવાન શ્રી ગણેશ ની પધરામણી કરી ભગવાન શ્રીકૃષ્ણ અને રાધાજીની પધરામણી ઢોલ-નગારા સાથે ઋગ્વેદ હાઉસના વિદ્યાર્થીઓ કરી સુંદર રાધા-શ્રીકૃષ્ણ ડાન્સ રજૂ કરવામાં આવ્યો હતો. ઋગ્વેદ હાઉસની વિદ્યાર્થીનીઓ દ્વારા મટકી ફોડ કાર્યક્રમ પણ ખૂબ જ ઉત્સાહથી મનાવવામાં આવ્યો હતો.
અહેવાલ યશપાલ સ્વામી
