યુનિ.મા પ્રથમ વાર શૈક્ષણિક વિકાસ માટે વિઝન 2030 વાર્ષિક એકેડેમિક આયોજન અંગે કુલપતિ દ્વારા માર્ગદર્શન અપાયું..

યુનિ. ના વિભાગો દ્વારા શૈક્ષણિક પ્રવૃત્તિઓ અને સંશોધનો વિશે એકેડેમિક ટીચિંગ સ્ટાફને કુલપતિ નું માર્ગદર્શન…

પાટણ તા. ૪
હેમચંદ્રાચાર્ય ઉત્તર ગુજરાત યુનિવર્સિટીમાં શૈક્ષણિક ક્ષેત્રે વિકાસ કરવા કુલપતિ દ્વારા શનિવારે એમબીએ ભવન ખાતે વિવિધ વિભાગોના શૈક્ષણીક સ્ટાફ સાથે વિઝન 2030 અંતર્ગત વાર્ષિક એકેડેમિક પ્લાન માટે પરામર્શ બેઠક કરવામાં આવી હતી. જેમાં કુલપતી પ્રો. કે સી પોરિયાએ માર્ગદર્શન આપતા જણાવ્યું કે, વિઝન 2030 અંતર્ગત કેમ્પસના તમામ શૈક્ષણિક સ્ટાફ સંશોધન અને સુવિધાઓ ક્ષેત્રે સુવ્યવસ્થિત માળખું બને તેમ જ આગામી વર્ષ 2030 માટે એકેડેમિક પ્લાનિંગ તૈયાર થાય તે હેતુથી વિવિધ મુદ્દાઓને લઈ ચર્ચા કરવામાં આવી હતી.

આ બેઠકમાં કુલપતિ દ્વારા તમામ શૈક્ષણિક સ્ટાફને જરૂરી સૂચનો સાથે શૈક્ષણિક વર્ષમાં નવા સંશોધનો રજૂ થાય તેમ જ પ્રોફેસરોનો એપીઆઇ સ્કોર પણ વધે તે હેતુથી માર્ગદર્શન આપવામાં આવ્યું હતું. શિક્ષક એ નોબલ પ્રોફેશન છે અને સમાજ પણ તેની પાસે ખૂબ અપેક્ષા રાખતો હોય છે ત્યારે આગામી વર્ષોમાં યુનિવર્સિટી નો શૈક્ષણિક સ્ટાફ પણ સમાજ ઉપયોગી શોધ કાર્ય કરે તેની પેટર્ન થાય અને નવા કોર્ષ સાથે નવી રોજગારોની તકો પણ ઉભી થાય તે અંગે તેમણે માર્ગદર્શન આપ્યું હતું

ઉપરાંત દરેક ટીચિંગ સ્ટાફ દ્વારા શૈક્ષણિક કાર્યથી લઈ સંશોધન કાર્ય વધે વિવિધ શૈક્ષણિક પ્રવૃત્તિઓ વધે તેમ જ આ પ્રવૃત્તિઓ થતી નેકમાં પણ તેનું કાર્ય મેકી ઊઠે તે માટે તેમણે એક સરળ ફોર્મ આપે તેની વિગતો શૈક્ષણિક સ્ટાફમાં પાસેથી માગી હતી. તેમણે શૈક્ષણિક સ્ટાફ પાસે પોતાના અભિપ્રાયો અને તે અંગેનું આયોજન નક્કી કરવાનું સૂચન કર્યું હતું.

તેમણે પી એમ રૂસા યોજના તળે વિવિધ સવલતો માટે યાદી બનાવી વિભાગોની જરૂરિયાત મુજબ ગ્રાન્ટ માગી શકાય તેનું માગૅદશૅન આપ્યું હતું. આ પ્રસંગે બોર્ડ ઓફ મેનેજમેન્ટના સભ્ય અને સિનિયર પ્રોફેસર પ્રોફેસર ખુમાન દ્વારા પણ યુનિવર્સિટીમાં કોમર્સ વિભાગ શરૂ કરવા માટેનું સૂચન કર્યું હતું તો અંગ્રેજી વિભાગના પ્રોફેસર આદેશ પાલ દ્વારા iqac સિસ્ટમ સુધારવા બાબતે પણ સૂચન કર્યું હતું

સંસ્કૃત વિભાગના પ્રોફેસર દિલીપ પટેલે કુલપતિને અભિનંદન પાઠવ્યા હતા કે તેમણે યુનિવર્સિટીના વિવિધ ભવનોમાં વિદ્યાર્થીઓ વધે તે અંગે પ્રયત્ન હાથ ધર્યા છે તેમણે આવનારા સમયમાં યુનિવર્સિટીને મળેલા બી ગ્રેડ થી એ ગ્રેડ તરફ જવા માટે સૂચન કરી હતી. આ પ્રસંગે આ પ્રસંગે યુનિવર્સિટીના રજીસ્ટ્રાર પ્રો. રોહિત દેસાઈ ડેપ્યુટી રજિસ્ટ્રાર ડો.કમલ મોઢ સહિત શૈક્ષણિક તેમજ બિન શૈક્ષણિક સ્ટાફ પણ ઉપસ્થિત  રહ્યો હતો.

અહેવાલ યશપાલ શ્યામી