હાસાપુર ના શ્રી રામદેવપીર બાબાના મંદિર પરિસર ખાતે હવન યજ્ઞ કરાયો..

પાલિકા પ્રમુખ- ઉપપ્રમુખ, પક્ષના નેતા અને પૂર્વ નેતા સહિતના આગેવાનો એ દશૅન પ્રસાદ નો લાભ લઈ ધન્યતા અનુભવી.

પાટણ તા.18 ધર્મની નગરી પાટણ શહેરમાં ધાર્મિક ઉત્સવો ની ભક્તિભર માહોલમાં ઉજવણી કરવામાં આવતી હોય છે. ત્યારે પાટણ સમીપ આવેલા હાસાપુર ખાતેના શ્રી રામદેવપીર બાબા ના મંદિર પરિસર ખાતે સોમવારના દિવસે હવન યજ્ઞનું આયોજન કરવામાં આવ્યું હતું.

શ્રી રામદેવપીરના મંદિર પરિસર ખાતે આયોજિત કરાયેલા હવન યજ્ઞ સહિતના ધાર્મિક પ્રસંગ માં પાટણ નગરપાલિકાના નવનિયુક્ત પ્રમુખ હિરલબેન અજયભાઈ પરમાર ઉપ-પ્રમુખ હિનાબેન શાહ પક્ષના નેતા દશરથજી ઠાકોર, પૂર્વ નેતા દેવચંદભાઈ પટેલ સહિતનાઓએ ઉપસ્થિત રહી દર્શન પ્રસાદનો લાભ લઇ ધન્યતા અનુભવી હતી. આ પ્રસંગે શ્રી રામદેવપીર બાબા મંદિર પરિસરના સેવકગણ દ્વારા પાલિકા પ્રમુખ- ઉપપ્રમુખ અને પક્ષના નેતા અને પૂર્વ નેતા નું કુમકુમ તિલક સાથે સ્વાગત સન્માન કરી આવકારવામાં આવ્યાં હતાં.

અહેવાલ યશપાલ સ્વામી