પાટણના જળચોક જોગીવાડા વિસ્તારમાં રહેતા ઠાકોર સમાજ ની સમૂહ ટોપલા ઉજાણી ઉજવાઈ..

માતાજીના નૈવેધની કાચી સામગ્રી ટોપલામાં લઈ મહિલાઓ માતાજીના મંદિરે પહોંચી નૈવેધબનાવી માતાજીને અપૅણ કરી ધન્યતા અનુભવી..

પાટણ તા. 20 પાટણમાં વસતા વિવિધ સમાજના સમુદાયો દ્વારા ભાદરવા માસમાં સમૂહ ટોપલા ઉજાણીનું પર્વ મનાવવામાં આવે છે. ત્યારે બુધવારના રોજ ભાદરવા સુદ પાંચમના દિવસે શહેરના જળચોક વિસ્તારમાં આવેલા ઠાકોર વાસમાં રહેતા ઠાકોર સમાજ દ્વારા વડવાઓની પરંપરાને અકબંધ જાળવી સમૂહ ટોપલા ઉજાણીનું પર્વ મનાવવામાં આવ્યું હતું.

શહેરના જળચોક વિસ્તારના ઠાકોર વાસ ખાતેથી સમાજની મહિલાઓ માતાના નૈવેધની કાચી સામગ્રી ટોપલામાં મુકી વાજતે ગાજતે નીકળી સુભાષચોક ખાતે મૈયાના ગરબાની રમઝટ બોલાવી હતી. ત્યારબાદ પાટણ ચાણસ્મા હાઈવે પરના અંબાજી નેળીયામાં આવેલા મૈયાના સ્થાનકે સમાજની મહિલાઓ દ્વારા મૈયાનું નૈવેધ બનાવી સવા શેર કંસાર મૈયાને ધરાવવામાં આવ્યો હતો. ત્યારબાદ મહિલાઓ સહિત તમામ લોકોએ મંદિર પરીસર ખાતે સમૂહ ટોપલા ઉજાણી પર્વની આનંદ ઉલ્લાસભેર ઉજવણી કરી સમૂહ પ્રસાદ ગ્રહણ કરી ધન્યતા અનુભવી હતી.

અહેવાલ યશપાલ સ્વામી