એન્જોય ગ્રુપના સભ્યો દ્વારા ટ્રોફીના સ્પોન્સર બનનાર ડો.વી.એમ.શાહ નો આભાર વ્યક્ત કરાયો.
પાટણ તા. 27 પાટણ એન્જોય ગ્રુપ દ્વારા છેલ્લા સાત વર્ષથી એન્જોય ગ્રુપના સભ્યોની ટેનિસ ક્રિકેટ ટુર્નામેન્ટ ના આયોજનો કરવામાં આવી રહ્યા છે. ત્યારે આગામી તા.1લી અને તા.2 જી ઓક્ટોબરના રોજ યુનિવર્સિટીના સ્પોર્ટ ગ્રાઉન્ડ ખાતે ટેનિસ ક્રિકેટ ટુર્નામેન્ટ નું આયોજન કરવામાં આવ્યું છે. ક્રિકેટ ટુર્નામેન્ટની તમામ ટ્રોફીના સ્પોન્સર પાટણ અવની હોસ્પિટલના ડો. વ્યોમેશ.શાહ બનતા બુધવારે એન્જોય ગૃપના સભ્યો દ્રારા ડો.વ્યોમેશ શાહ ને રૂબરૂ મળી આભાર વ્યક્ત કર્યો હતો. એન્જોય ગ્રુપ દ્વારા આયોજિત ટેનિસ ક્રિકેટ ટુર્નામેન્ટ નો મુખ્ય ઉદ્દેશ પાટણના ક્રિકેટ ખેલાડીઓને પ્લેટફોર્મ પૂરું પાડી આવા હોનહાર ક્રિકેટરો ને પ્રોત્સાહન પુરૂ પાડવાનો હોવાનું અને હાલમાં એન્જોય ગૃપના 6 થી 7 ખેલાડીઓ ગુજરાત ના ક્રિકેટરો મા નામના ધરાવી રહ્યા હોવાનું આયોજકોએ જણાવ્યું હતું. પાટણ યુનિવર્સિટી સ્પોર્ટ ગ્રાઉન્ડ ખાતે આગામી દિવસોમાં આયોજિત કરાયેલી ટેનિસ ક્રિકેટ ટુર્નામેન્ટમાં કુલ છ ટીમો ભાગ લેનાર હોય આ ક્રિકેટ ટુર્નામેન્ટમાં ભાગ લેનાર તમામ ટીમના ખેલાડીઓને એન્જોય ગ્રુપ દ્વારા ડ્રેસ કોડ પણ આપવામાં આવશે. તો આ ટુર્નામેન્ટમાં વિજેતા ટીમ,રનર્સ ટીમ,બેસ્ટ બોલર, બેસ્ટ ખેલાડી, મેન ઓફ ધ મેચ તમામને પાટણની અવની હોસ્પિટલના જાણીતા ગાયનેક તબીબ ડો. વ્યોમેસ એમ.શાહ દ્વારા ટ્રોફી એનાયત કરાશે. એન્જોય ગ્રુપ દ્વારા દર વર્ષની જેમ ચાલુ વર્ષે પણ આયોજિત કરાયેલ ટેનિસ ક્રિકેટ ટુર્નામેન્ટના આયોજનને સફળ બનાવવા એન્જોય ગ્રુપના કિરણભાઈ દેસાઈ, ભરતસિંહ ડેલીગેટ, ઇલિયાસ ભાઈ મેમણ, લાલીબાપુ, રમેશભાઈ ઠાકોર, ભરત પ્રજાપતિ, રાજુભા ગોલાપુરવાળા, રોહિત બાબા, સહિતના સભ્યો દ્વારા જહેમત ઉઠાવવામાં આવી રહી છે.
અહેવાલ યશપાલ સ્વામી
