સિધ્ધપુર ના ખોલવાડા ગામના તળાવમાં અજાણ્યા યુવાનનો મૃતદેહ મળી આવતાં ચકચાર મચી..

યુવાનની હત્યા કે આત્મ હત્યા ની અટકળો વચ્ચે પોલીસે તપાસ હાથ ધરી..

પાટણ તા. 3 પાટણ જિલ્લાના તાલુકા મથક સિદ્ધપુરના ખોલવાડા ગામના તળાવમાંથી મંગળવારની વહેલી સવારે અજાણ્યા યુવાનની લાશ મળી આવતા ચકચાર મચી જવા પામી હતી તો યુવાનની હત્યા કે આત્મહત્યા મામલે પોલીસે તપાસના ચક્રો ગતિમાન બનાવ્યા હોવાનું જાણવા મળ્યું છે.

બનાવની મળતી હકીકત મુજબ પાટણ જિલ્લાના સિધ્ધપુર તાલુકાના ખોલવાડા ગામના તળાવમાં મંગળવાર ની વહેલી સવારે કોઈ અજાણ્યા યુવાનની લાશ તરી રહેલ હોવાની જાણ ગ્રામજનોને થતા લોકોના ટોળેટોળા ઘટના સ્થળે ઉમટી પડ્યા હતા અને બનાવની જાણ પોલીસે કરાતાં પોલીસે ઘટના સ્થળે પહોંચી સિધ્ધપુર નગરપાલિકા ફાયર સ્ટાફને જાણ કરતાં સિધ્ધપુર ફાયર સ્ટાફે તાત્કાલીક ઘટના સ્થળે આવીને સદર અજાણ્યા યુવાનની લાશ તળાવ માથી બહાર કાઢીને પોલીસને સોંપી હતી.પોલીસ દ્રારા લાશનું પંચનામું કરી યુવાનની હત્યા કે આત્મહત્યા મામલે તપાસ ના ચક્રોગતિમાન કરી મૃતક યુવકના વાલી વારસો ની પણ ભાળ મેળવવા મૃતક યુવાનના ફોટા વિડિઓ સોશ્યલ મીડિયામાં ફોરવર્ડ કરી આગળ ની કાયૅવાહી હાથ ધરી હોવાનું જાણવા મળ્યું છે.

અહેવાલ યશપાલ સ્વામી