પાટણમાં નવરાત્રીમેળા થકી રોજગારી મેળવતી સ્વસહાય જૂથોની બહેનો.

નવરાત્રી પર્વને લગતી વસ્તુઓના વેચાણ માટે નવરાત્રી મેળાનું જિલ્લા પંચાયત પ્રમુખ દ્રારા ઉદધાટન કરાયું..

પાટણ તા. 8 ગુજરાત લાઈવલીહુડ પ્રમોશન કંપની લી.(જી.એલ.પી.સી) દ્વારા રાષ્ટ્રીય ગ્રામીણ આજીવિકા મિશન હેઠળ કાર્યરત મહિલા સ્વસહાય જૂથો,સખીમંડળોનું કૌશલ્ય તાલીમ દ્વારા આજીવિકા પ્રવૃતિઓ સાથે જોડાણ કરવામાં આવે છે. આ જૂથોને યોગ્ય બજાર વ્યવસ્થા મળી રહે તે માટે વિવિધ મેળાઓનું આયોજન પણ કરવામાં આવે છે, ત્યારે રવિવારે નવરાત્રીનાં પાવન પર્વ પહેલાં 7 દિવસીય નવરાત્રી મેળાનું ઉદ્ઘાટન કરવામાં આવ્યું હતું. નવરાત્રીની ઉજવણી પહેલાં મહિલા પખવાડીયા અંતર્ગત જિલ્લાકક્ષાએ સ્ટોલ ઉભા કરી તા.08 થી તા. 14 ઓકટોબર દરમ્યાન નવરાત્રી મેળાનું આયોજન કરવામાં આવ્યુ છે.

નવરાત્રી મેળા સ્ટોલનું ઉદ્ઘાટન જિલ્લા પંચાયત પ્રમુખ હેતલબેન ઠાકોરના અધ્યક્ષ સ્થાને કરવામાં આવ્યું હતું. મહિલા સશક્તિકરણ માટે ગ્રામ વિકાસ વિભાગ હેઠળ ગુજરાત લાવલીહુડ પ્રમોશન કંપની લી.(જી.એલ.પી.સી) દ્વારા રાષ્ટ્રીય ગ્રામીણ આજીવિકા મિશન હેઠળ કાર્યરત મહિલાઓને તાલીમ આપીને તેઓને આજીવિકાલક્ષી પ્રવૃતિઓ સાથે સાંકળવામાં આવે છે. આ ઉમદા પ્રયાસના ભાગરૂપે અને નવરાત્રીના તહેવારને ધ્યાનમાં રાખીને તા.08 થી તા.14 દરમ્યાન ગ્રામ હાટ, આનંદ સરોવરની સામે 07 સ્ટોલ ઉભા કરવામાં આવ્યા છે. આ પ્રકારનું આયોજન જિલ્લા ગ્રામ વિકાસ એજન્સી દ્વારા અવાર-નવાર કરવામાં આવે છે જેથી મહિલા સશક્તિ કરણને પ્રોત્સાહન મળી રહેશે. 7 દિવસ સુધી ચાલનારા આ નવરાત્રી મેળામાં સ્વ સહાય જુથોએ ભાગ લીધો છે.

અહેવાલ યશપાલ સ્વામી