પાટણ તા.5 વાગડોદ ગ્રામ પંચાયત માં આવતા અનુસૂચિત જાતિ વિસ્તાર એવા કમ્બોયાં પુરા વિસ્તારની ગટર લાઈન તથા વરસાદી પાણીના નિકાલ માટેનું વર્ષો જૂનું કામ કેબિનેટ મંત્રી બલવંતસિંહ રાજપૂત ના સહકારથી મંજૂર કરવામાં આવ્યું હતું.
ત્યારે સરકારના વિકાસ પંથને આગળ ધપાવવા જીલ્લા પંચાયત ના નવ નિયુકત ઉપપ્રમુખ ગોવિંદભાઈ માલધારીની આગેવાની હેઠળ આ કામનું ખાત મૂહુર્ત ગુરૂવાર ના રોજ કરવામાં આવ્યું હતું.
આ પ્રસંગે જિલ્લા પંચાયત ના ઉપપ્રમુખ ગોવિંદભાઈ માલધારી, શિક્ષણ સમિતિના ચેરમેન રાજપૂત મહિપતસિંહ મફાજી, સરસ્વતી તાલુકા પ્રમુખ બળદેવભાઈ સરતનભાઈ દેસાઈ, ઉપપ્રમુખ ઈશ્વરભાઈ દાનાભાઈ દેસાઈ, ન્યાય સમિતિના ચેરમેન શોભનાબેન અમરતભાઈ પરમાર, નરેશભાઈ મંગળભાઈ પરમાર સહિત વહીવટદાર તલાટી કમ મંત્રી તથા વાગડોદ ગ્રામ પંચાયત ના સદસ્યો, ગ્રામજનો મોટી સંખ્યામાં ઉપસ્થિત રહ્યા હતા.
અહેવાલ યશપાલ સ્વામી
