કોરોનાના કપરા સમયની જેમ વાવાઝોડા અને વરસાદ વચ્ચે પણ ધનવંતરી આરોગ્ય રથ ટીમની કામગીરી સરાહનીય બની..
પાટણ તા. 17
પાટણ જીલ્લાના રાધનપુર મા બીપરજોય વાવાઝોડા ની અસર વચ્ચે ધનવન્તરી આરોગ્ય રથ મેડીકલ ટીમ ની કામગીરી સરાહનીય બની છે.
ધનવંતરી આરોગ્ય રથની ટીમ દ્વારા રાધનપુર મા બીપરજોય વાવાઝોડામા સ્થળાતર કરાયેલાનીચાણ
વાળા વિસ્તારના ઝૂંપડપટ્ટી માં રહેતા ગરીબ પરિવારના લોકોની સારસંભાળ લઈ જરૂરીયાત ની મેડિકલ ચકાસણી લેબોરેટરી કરી દવા આપવામાં આવી હતી.
ધનવન્તરી આરોગ્ય રથ પાટણ અને સિધ્ધપુર એમબ્યુલન્સ ટીમ દ્વારા આ આરોગ્યલક્ષી સેવા પ્રવૃત્તિ મા ખડેપગે રહી પોતાની સેવા આપવામાં આવી હતી.
કોરોના ના કપરા સમયની જેમ બીપોરજોય વાવાઝોડા ના કપરા સમયમા પણ ધનવંતરી આરોગ્ય રથની ટીમ દ્વારા અગ્રેસર રહીને રાત દિવસ કરાતી આરોગ્યલક્ષી સેવા ની કામગીરી ને સૌએ સરાહનીય લેખાવી હતી.
આ આરોગ્ય લક્ષી સેવાકીય પ્રવૃત્તિમાં ડો. હિમશ્વેતા વાણીયા, ડો. તુષાર સોલંકી,ડો.નિકીતા પરમાર,કાઉન્સલર જીગર રાવલ, પેરામેડિકલ મહેશ માળી,જયેશ વણકર, લેબ ટેકનિશિયન ડિમ્પલ પટેલ, સેજલ ગઢવી, પાયલોટ નયન પરમાર, ઈરફાન કાદરી ફરજ પર હાજર રહ્યા હતા.
