યુનિવર્સિટીના અધિકારી અને કમૅચારી સહિત વિધાર્થીઓએ નવા વષૅ ની એકબીજા ને શુભેચ્છાઓ પાઠવી..
પાટણ તા.૨૦
પાટણના હેમચંદ્રાચાર્ય ઉત્તર ગુજરાત યુનિવર્સિટીમાં દર વષૅ કરતાં ચાલુ વર્ષે દિપાવલી વેકેશન આઠ દિવસના બદલે દસ દિવસ નું આપવામાં આવ્યુ હતું.રવિવારે દિવાળી નું દસ દિવસ નું વેકેશન પૂર્ણ થતા સોમવાર થી રાબેતા યુનિવર્સિટી નું વહીવટી ભવન અને કેમ્પસ ધમધમી ઉઠયું હતું.દિવાળી વેકેશન બાદ પુનઃ યુનિવર્સિટી વહીવટી ભવન ની કામગીરી શરૂ થતાં ફરજ પરના અધિકારીઓ અને કમૅચારીઓએ એક બીજાને નવા વષૅના પ્રારંભ ની શુભેચ્છાઓ પાઠવી હતી તો કેમ્પસ માં દિવાળી વેકેશન બાદ આવતા વિધાર્થીઓ એ પણ એકબીજા ને નૂતન વષૅ ની શુભકામનાઓ સાથે નવા વષૅ ના રામ રામ કયૉ હતા.
ચાલુ સાલે દિપાવલી ના તહેવાર પૂર્વે પાટણ યુનિવર્સિટીના કર્મચારીઓને સળંગ દસ દિવસનુ મીની વેકેશનનો લાભ મળે તે માટે રજૂઆત કરવામાં આવી હતી જેને પગલે યુનિવર્સિટીના કા. કુલપતિ ડૉ.રોહિતભાઈ દેસાઈ દ્વારા કર્મચારીઓના હિતમાં આગામી ડિસેમ્બર માસના બીજા શનિવારે રજાનો દિવસ આપી દિવાળીના તહેવારો માં સળંગ દસની વહીવટી ભવનમાં જાહેર રજાઓ આપી હતી.
જે રજાઓ તા.૨૦ ઓક્ટો.ને સોમવાર પૂણૅ થતાં સોમવારથી રાબેતા મુજબ વહીવટી ભવનમાં કામગીરી શરૂ થતા વહીવટી ભવન અને કેમ્પસ વિદ્યાર્થીઓ અને કર્મચારીઓથી ધમધમતું બન્યું હતું.
અહેવાલ યશપાલ સ્વામી