અયોધ્યા મા રામમંદિર ના પ્રતિષ્ઠા મહોત્સવ ની પાટણ જિલ્લામાં પણ વિહિપ દ્રારા ઉજવણી કરાશે..

વિશ્વ હિન્દુ પરિષદ પાટણ જિલ્લા વ્યાપક ની બેઠક શિશુ મંદિર ખાતે મળી..

પાટણ તા. ૨૭
વિશ્વ હિન્દુ પરિષદ પાટણ જિલ્લા વ્યાપકની બેઠક સરસ્વતી શિશુ મંદિર પાટણ ખાતે મળી હતી. જેમાં આગામી અયોધ્યા ખાતે રામ જન્મભૂમિ પરિસરમાં થનાર ભવ્ય પ્રાણ પ્રતિષ્ઠા મહોત્સવ પ્રસંગ સમગ્ર પાટણ જિલ્લામાં ઉત્સાહપૂર્વક ઉજવાય તેમજ અયોધ્યા ખાતેથી આવેલ અક્ષત એટલે કે ચોખા સ્વરૂપે આમંત્રણ પ્રત્યેક હિન્દુ ના ઘર સુધી પહોંચે તે માટે ના આયોજન અંગે વિસ્તાર થી ચર્ચા વિમૅશ કરવામાં આવી હતી.

આ બેઠકમાં વિશ્વ હિન્દુ પરિષદ ઉત્તર ગુજરાત પ્રાંત સામાજિક સમરસતા સહસંયોજક ભરતભાઈ કોઠીવાલા તેમજ જિલ્લા પ્રમુખ જીતેન્દ્રભાઈ ઠાકોર અને જિલ્લા મંત્રી રોહિતભાઇ પંચોલી એ કાર્યકરો ને માર્ગદર્શન આપ્યું હતું.

જિલ્લા બેઠકમા મહેસાણા વિભાગ ધર્માચાર્ય પ્રમુખ નીતિનભાઈ એલ. વ્યાસ, જિલ્લા ઉપપ્રમુખ કે. ડી. મહાજન, જિલ્લા સહમંત્રી વિશાલભાઈ રામાવત વગેરે જિલ્લા અને પ્રખંડ સ્તર ના કાર્યકર્તાઓ મોટી સંખ્યામાં ઉપસ્થિત રહ્યા હતા.

અહેવાલ યશપાલ સ્વામી