ભગવાન જગન્નાથજી સન્મુખ 500 કિલો કેરી અને 50 ડઝન કેળાનો મનોરથ કરાયો..

મનોરથમાં ગોઠવવામાં આવેલ કેળા અને કેરીનો પ્રસાદ ભક્તજનોમાં વિતરણ કરાશે…

પાટણ તા. 18
ભગવાન જગન્નાથજી ની નીકળનારી 141મી રથયાત્રાને અનુલક્ષીને ભગવાનના મંદિર પરિસર ખાતે વિવિધ ધાર્મિક ઉત્સવોની ઉજવણી કરવામાં આવી રહી છે. ત્યારે રવિવારના પવિત્ર દિવસે ભગવાન જગન્નાથ સન્મુખ કેરી અને કેળાના મનોરથ નું આયોજન કરવામાં આવ્યું હતું.

ભગવાન જગન્નાથ સન્મુખ ગોઠવવામાં આવેલા કેરી અને કેળાના મનોરથ ને સફળ બનાવવા મંદિર ટ્રસ્ટના ટ્રસ્ટીગણ સહિત મંદિરના પૂજારી અને જગન્નાથ ભક્તો દ્વારા જહેમત ઉઠાવવામાં આવી હતી.

ભગવાન સન્મુખ ગોઠવવામાં આવેલા કેરી અને કેળાના મનોરથ ના દર્શન નો લાભ લેવા વહેલી સવારથી જ જગન્નાથ ભક્તોની મંદિર પરિસર ખાતે ભીડ જોવા મળી હતી.

ભગવાન સન્મુખ આયોજિત કરાયેલા આ મનોરથમાં 500 કિલો કેરી અને 50 ડઝન કેળા નો ઉપયોગ કરવામાં આવ્યો હતો જે મનોરથ પવૅની ઉજવણી બાદ કેળા અને કેરીનો પ્રસાદ ભક્તોમાં વિતરણ કરવામાં આવનાર હોવાનો જગન્નાથ મંદિર ટ્રસ્ટના મેનેજિંગ ટ્રસ્ટી અને રથયાત્રા સમિતિના કન્વીનર પિયુષભાઈ આચાર્યએ જણાવ્યું હતું.

અહેવાલ યશપાલ સ્વામી