શ્રી રામ જન્મભૂમિ તીર્થક્ષેત્ર નૂતન મંદિરમાં શ્રી રામલ્લા પ્રાણ પ્રતિષ્ઠા મહોત્સવ નિમિત્તે પાટણ નગરમાં અક્ષત કળશ શોભાયાત્રા નિકળી..

અક્ષત કળશ શોભાયાત્રા નું પાટણ ધર્મ પ્રેમી જનતાએ ઠેર ઠેર પુષ્પવૃષ્ટિ દ્વારા સ્વાગત સન્માન કરી ધન્યતા અનુભવી..

પાટણ તા. ૨૪
શ્રી રામ જન્મભૂમિ તીર્થ ક્ષેત્ર નુતન મંદિરમાં ભગવાન શ્રી રામ લલ્લાના પ્રાણ પ્રતિષ્ઠા મહોત્સવના ઉપલક્ષ્યમા રવિવારે પાટણ શહેરમાં અક્ષત કળશ શોભાયાત્રાનું ભક્તિ સભર માહોલમાં ભવ્યાતી ભવ્ય આયોજન કરવામાં આવ્યું હતું.

ભગવાન શ્રી રામલ્લા ના પ્રાણ પ્રતિષ્ઠા મહોત્સવને લઈને પાટણ નગરમાં આયોજિત કરાયેલી અક્ષત કળશ શોભાયાત્રા શહેરના રંગીલા હનુમાન ચોકથી પ્રસ્થાન પામીને ભઠ્ઠીનો માઢ, રતનપોળ ચોક , સાલવી વાડો, જબરેશ્વરી ચોક, ફાટીપાળ દરવાજા, ઘાંઘલની શેરી,સુવિધિનાથ મલ્હાર, દેવદર્શન, ગૌરી કૃપા,જુની કાળકા માતા મંદિર થઈ ને દ્રારિકા હોમ્સ ખાતે સંપન્ન બની હતી.

પાટણ નગરમાંથી નીકળેલી ભગવાન શ્રીરામ લ્લાના પ્રાણ પ્રતિષ્ઠા મહોત્સવ નિમિત્તેની અક્ષત કળશ શોભાયાત્રા નું પાટણની ધર્મપ્રેમી જનતાએ ઠેર ઠેર પુષ્પવૃષ્ટિ દ્વારા સ્વાગત સન્માન કર્યું હતું. તો બાળાઓ દ્રારા તલવાર બાજી, લાઠી દાવના વિવિધ કરતબો રજુ કરી અનેરૂ આકૅષણ જણાવ્યું હતું.

અહેવાલ યશપાલ સ્વામી