ઓક્સફર્ડ ઇંગ્લિશ સ્કૂલની ભૂતપૂર્વ વિધ્યાર્થીની સંજના ચૌધરી ઓલ ઈન્ડિયા બીચ બોક્સિંગ માં ગોલ્ડ, શ્રેષ્ઠ બોક્સર પણ બનીઓક્સફર્ડ ઇંગ્લિશ સ્કૂલ પાટણનું ગૌરવ

પાટણની સી.બી.એસ.ઈ. સાથે સંલગ્ન ઓક્સફર્ડ ઇંગ્લિશ સ્કૂલની ભૂતપૂર્વ વિદ્યાર્થીની સંજના ચૌધરી એ કેન્દ્રશાસિત પ્રદેશ દાદરા નગર હવેલી દિવ અને દમણ ખાતે આયોજિત બીચ ગેમ્સ 2024 માં ઓલ ઇન્ડિયા બીચ બોક્સિંગ સ્પર્ધા યોજાઈ હતી. બીચ બોક્સિંગ અંડર 21 કેટેગરી માં ગુજરાતની ખેલાડી સંજના ચૌધરી એ 45 થી 48 કિ.ગ્રા. વજન ગ્રુપ માં ભાગ લઇ ગોલ્ડમેડલ પ્રાપ્ત કર્યો હતો. સંજનાના સ્કૂલના દિવસો દરમ્યાન સંજના એ ઘણી વખત સ્કૂલની ઇન્ટરનલ સ્પર્ધાઓ, ખેલ મહાકુંભ, પાટણ તાલુકા તથા જીલ્લા લેવલે, સ્ટેટ લેવલે વિવિધ રમતો માં ઉમદા પ્રદર્શન કરીને કબડ્ડી, ગોળા ફેંક, વોલીબોલ જેવી સ્પર્ધાઓ માં પ્રથમ ક્રમાંક પ્રાપ્ત કરીને સ્કૂલનું પરિવારનું નામ રોશન કરેલ છે. સંજના એ પ્રિ-પ્રાઈમરી થી ધોરણ 12 સાયન્સ સુધી અભ્યાસ કરેલ છે. સંજના એ સ્કૂલના દિવસો દરમ્યાન અભ્યાસિક તથા સહ અભ્યાસિક પ્રવૃત્તિઓ માં દરેક વર્ષે અવ્વલ રહેલ હતી. સંજના એ અંડર 17 કેટેગરી માં કબડ્ડી તથા કુશ્તીની સ્પર્ધા માં નેશનલ લેવલ માં ગોલ્ડ મેડલ પ્રાપ્ત કર્યો હતો. દિવ અને દમણ ખાતે આયોજિત બીચ ગેમ્સ 2024 માં સંજના ચૌધરીને ઓલ ઇન્ડિયાની શ્રેષ્ઠ બોક્સર જાહેર કરવામાં આવી હતી. બીચ ગેમ્સ નેશનલ લેવલ ગોલ્ડમેડલ વિજેતા સંજનાને ઓક્સફર્ડ ઇંગ્લિશ સ્કૂલના સંસ્થાપક શ્રી જગદીશભાઈ કથુરિયા આચાર્ય શ્રી જોયન જોસ, ટ્રસ્ટીઓ માં શ્રી શાંતિભાઈ સ્વામી, વિજયભાઈ પટેલ, જગદીશભાઈ ખમાર, પૂનમબેન કથુરિયા, હર્ષ પટેલ, હાર્દિક સ્વામી એ સંજનાને અભિનંદન પાઠવી શુભેચ્છા પાઠવી હતી.

અહેવાલ યશપાલ સ્વામી