અયોધ્યા ઉત્સવને લઈને શ્રી પદ્મનાભ ટ્રસ્ટ અને પ્રજાપતિ સમાજના દ્વારા રામ નામ ના જાપ સાથે પ્રભાત ફેરી નિકળી..

પાટણ તા. ૨૦
અયોધ્યામાં તા. ૨૨ જાન્યુઆરી ના પવિત્ર દિવસે ભગવાન શ્રી રામચંદ્રજીની પુનઃ પ્રાણ પ્રતિષ્ઠા મહોત્સવ ની ઉજવણી કરવામાં આવનાર છે ત્યારે આ ઉજવણી મા સહભાગી બનવા શ્રી પદ્મનાભ મંદિર ટ્રસ્ટ અને પાટણ પ્રજાપતિ સમાજના વિવિધ સંગઠનો દ્વારા પંચદીવસીય ધાર્મિક ઉત્સવો નું આયોજન કરવામાં આવ્યું છે

જે આયોજનના ઉપલક્ષ્મા શનિવારના પવિત્ર દિવસે સવારે ૬-૦૦ થી ૭-૩૦ કલાક ના સમય દરમ્યાન પાટણ પ્રજાપતિ સમાજના વિવિધ સંગઠનો અને શ્રી પદ્મનાભ મંદિર ટ્રસ્ટ પરિવારના ટ્રસ્ટીઓ દ્રારા પદ્મનાભ ચાર રસ્તાથી આ વિસ્તારમાં આવતી ૧૫ થી વધુ સોસાયટીઓ સહિત પદ્મનાભ મંદિર પરિસર સુધી ભકિત સંગીત ના સુરો વચ્ચે શ્રી રામ જય રામ ની ધૂન સાથે પ્રભાત ફેરી નું સુંદર આયોજન કરવામાં આવ્યું હતું.

આ ભક્તિ સભર પ્રભાત ફેરી ના ધામિૅક પ્રસંગમાં પ્રજાપતિ સમાજ ના શાંતિભાઈ સ્વામી, કમલેશભાઈ સ્વામી, દશરથભાઈ પ્રજાપતિ, મહેશભાઈ દલવાડી, યશપાલ સ્વામી, કનુભાઈ મિસ્ત્રી,કનુભાઈ ઝવેરી, મુકેશભાઈ પ્રજાપતિ, વિજયભાઈ સ્વામી, કલ્પેશ સ્વામી સહિતના ભકતો જોડાયા હતા.

અહેવાલ યશપાલ સ્વામી