પાટણ પાલિકાની ટીપી કમિટીમાં બીયુ પરમિશન ફરજિયાત ઓનલાઇન સાથે લેબર સેસ ચાર્જ ચો.મી એ.રૂ.30 કરાયો..

પાટણ નગરપાલિકાની ટાઉન પ્લાનિંગ કમિટીની બેઠક ચેરમેન ના અધ્યક્ષ પદે યોજવામાં આવી…

પાટણ તા. ૨૫
પાટણ નગરપાલિકાની ટાઉન પ્લાનિંગ કમિટીની ગુરુવારે નગરપાલિકાના સભાખંડ ખાતે ચેરમેન નીતા બેન દિલીપભાઈ પટેલના અધ્યક્ષ સ્થાને બેઠક મળી હતી.બેઠકમાં એજન્ડા પરના તેમજ વધારાના કામો બાબતે વિચાર વિમૅશ કરવામાં આવ્યો હતો.ટાઉન પ્લાનિંગ કમિટીની બેઠકમાં બી યુ પરમિશન ઓન લાઇન ફરજિયાત તેમજ લેબર સેસ ચાર્જ ચોરસ મીટર રૂપિયા 30 લેવાનું સવૉમતે નક્કી કર્યું હતું. તો નગર પાલિકા હસ્તકના ખુલ્લા પ્લોટિંગોનું વાયર ફેન્સીંગ નું કામ અને નગરપાલિકા હસ્તકના વેચાણ પાત્ર પ્લોટો ના વેચાણ બાબતે સભ્યો સાથે વિચાર વિમર્શ કરવામાં આવ્યો હતો.

પાટણ નગરપાલિકા ખાતે મળેલી ટાઉન પ્લાનિંગ કમિટીની બેઠકમાં ચેરમેન નીતાબેન દિલીપભાઈ પટેલ, સભ્ય શૈલેષભાઈ પટેલ, જયેશભાઈ પટેલ, આશિત તન્ના,નગર નિયોજક, ચીફ ઓફિસર સહિત ટાઉન પ્લાનિંગ શાખાના અધિકારીઓ અને કર્મચારીઓ ઉપસ્થિત રહ્યા હતા.

અહેવાલ યશપાલ સ્વામી