સાંતલપુર ની જાખોત્રા કેનાલ તુટવાના કારણે ખેડૂતો ના ધોવાણ થયેલા પાકનું વળતર ચુકવવામાં નહિ આવે તો ખેડૂતો ને આત્મ હત્યા કરવી પડશે.

ખેડૂતોને નુકશાનીનુ વળતર મેળવવા માટે પણ વિભાગ ના અધિકારીઓ પૈસાની માગ કરતાં હોવાના ખેડૂતો ના આક્ષેપો.

પાટણ તા. ૨૭
સાંતલપુર તાલુકાના 1/7c વિભાગમાં આવતી જાખોત્રા ડીસ્ટ્રી કેનાલ તૂટવાનું મુખ્ય કારણ ગેટ ઓપરેટર હાજર ન હોવાના કારણે પાણીનું લેવલ વધ્યું હોવાનું સામે આવ્યું છે. તો કેનાલો ની ખરાબ કામગીરીને કારણે અવાર નવાર કેનાલો તુટવાની ધટના ને લઇ કેનાલના પાણી આજુબાજુના વાવેતર કરવામાં આવેલ ખેડૂતોના ખેતરો મા ફરીવળતા ખેડૂતો ને મોટા નુકસાન સાથે આત્મા હત્યા કરવાનો વારો આવ્યો છે.

તો અવારનવાર કેનાલો તુટવાની ધટનાઓ છતાં વિભાગ ના અધિકારીઓ દ્રારા કોઈ નકકર કામગીરી ન કરાતા કેનાલો ની નબળી કામગીરી મા અધીકારીઓની સંડોવણી હોવાનું ખેડૂતો જણાવી રહ્યા છે.

જાખોત્રા ડીસ્ટ્રી કેનાલ તૂટી જવાથી આજુબાજુના ખેતરોમાં પાણી ભરાતા ખેડૂતોનો સંપૂર્ણ પાક ધોવાઈ ગયો હોય છતાં તંત્ર દ્વારા જવાબદારો સામે કોઈ કાયૅવાહી નહિ કરતા આવું કેટલા દિવસ ચાલશે તેવી હૈયાવરાળ ખેડૂતો ઠાલવી રહ્યા છે.

તો છેલ્લા 2 મહિનામાં આ 10 મી વખત કેનાલ તૂટી હોવાનું વસંત ઠાકોર નામના ખેડૂતે જણાવી કેનાલ ના પાણી તેમના ખેતરમાં ભરાઈ જવાથી સંપૂર્ણ પાક નિષ્ફળ ગયો છે અને નુકસાન નું વળતર ના મળે તો તેઓને આત્મ હત્યા કરવાની ફરજ પડશે તેમ જણાવી નિગમમાં ફરજ બજાવતા અધિકારી પણ રિસ્વત લીધા વગર નુકસાન નું વળતર ન આપતા હોવાનો તેઓએ આક્ષેપ કર્યો હતો.

અહેવાલ યશપાલ સ્વામી