પાટણ બ્રહ્માકુમારી ઈશ્વરીય વિશ્વવિદ્યાલય દ્વારા ત્રિવિધ કાર્યક્રમો થકી સુવર્ણ જયંતિ મહોત્સવ ની ઉજવણી કરાશે…

આગામી તા.૩ અને ૪ ફેબ્રુઆરીના રોજ આયોજિત કાર્યક્રમની પાટણના પત્રકારો ને માહિતી પ્રદાન કરાઈ..

પાટણ તા. ૨
સંસ્કાર, સંસ્કૃતિ, શિક્ષણ, કળા, શિલ્પ, સ્થાપત્ય, વિજ્ઞાન, ધર્મ અને આધ્યાત્મિકતાથી દૈદીપ્યમાન ભૂમિ એટલે અણહિલપુર પાટણ આજથી ૫૦ વર્ષ પહેલાં પ્રજાપિતા બ્રહ્માકુમારી ઈશ્વરીય વિશ્વ વિદ્યાલય દ્વારા સોનામાં સુગંધ સમાન ઐતિહાસિક નગર પાટણની સંસ્કૃતિમાં આધ્યાત્મિકતાનું બીજ રોપાયું હતું આ બીજ આજે વટવૃક્ષ બનીને સંસ્થાએ સેવાઓની સુવાસ દેશ વિદેશમાં ફેલાવી પોતાનું “દિવ્ય દર્શન” નામ સાર્થક કર્યું છે.

પાટણના ઈતિહાસમાં આ અહર્નિશ ઈશ્વરીય સેવાઓનો અડધી સદીનો સુવર્ણકાળ પૂર્ણ કરવાનો અનેરો ઉત્સવ “સુવર્ણ જયંતિમહોત્સવ”આગામી તા. ૩ અને તા.૪ ફેબ્રુઆરી ના રોજ મનાવાઈ રહ્યો છે. સાથે- સાથે પાટણથી દિવ્ય જ્ઞાન ધારણ કરી વિશ્વ સ્તરની સેવામાં જીવન સમર્પિત કરનાર પાંત્રીસ સમર્પિત બહેનો તેમજ ૨૫ કરતાં વધુ વર્ષથી નિયમિત આધ્યાત્મિક જ્ઞાન અને સહજ રાજયોગનો અભ્યાસ કરતા ભાઈ-બહેનોની સેવાઓને બિરદાવવા માટે “સન્માન સમારોહ” તથા “દિવ્ય દર્શન ભવન” ના “મંગલમૂર્તિ સભાગૃહ” નું મંગલ ઉદ્ઘાટન એવા આ “ત્રિવિધ અવસર” નું આયોજન દિલ્હી સેન્ટરના પરમ શ્રદ્ધેય, તપસ્વીમૂર્ત રાજયોગિની બ્ર.કુ.આશાદીદી, માઉન્ટ આબુના રાજયોગિની બ્ર.કુ. શીલુદીદી,અમદાવાદ ના રાજયોગિની બ્ર.કુ. ચંદ્રિકાદીદી સહિતના રાજકીય, સામાજિક આગેવાનો ની પ્રેરક ઉપસ્થિતિમાં યોજવામાં આવનાર છે.

આ ત્રિવિધ અવસરની રૂપરેખા પ્રદાન કરવા શુક્રવારે પાટણ સેન્ટરના રાજયોગિની બ્રહ્માકુમારી નિલમદીદી, મહેસાણા સેન્ટરના રાજયોગિની બ્રહ્માકુમારી સરલા દીદી, પાટણ સેવાકેન્દ્રના બ્રહ્માકુમારી નીતાબેન, બ્રહ્માકુમારી નિધિબેન તથા સર્વ બ્રાહ્મણ પરિવારની ઉપસ્થિત મા પ્રજાપિતા બ્રહ્માકુમારી ઈશ્વરીય વિશ્વ વિદ્યાલય, દિવ્ય દર્શન ભવન, ઊંઝા રોડ પાટણ ખાતે પાટણના ઈલેક્ટ્રોનિક તેમજ પ્રિન્ટ મીડિયા ના પત્રકારો ની બેઠક નું આયોજન કરવામાં આવ્યું હતું.

આ બેઠકમાં ઉપસ્થિત રહેલા બ્રહ્માકુમારી નીલમ દીદી અને બ્રહ્માકુમારી સરલા દીદીએ જણાવ્યું હતું કે પરમ પિતા પરમાત્મા પ્રજાપિતા બ્રહ્માકુમારી ઈશ્વરીય વિશ્વ વિદ્યાલય દ્વારા પાટણની ભૂમિ પરમાત્મા ની ભૂમિ બની છે ૫૦ વષૅ પહેલા આધ્યાત્મિકતાની ચિંગારી એ આજે પાટણ ને આધ્યાત્મિક જ્ઞાન દ્ધારા ગામડે ગામડે જઈને વ્યસન મુક્તિ, મહિલા સશકિતકરણ, કુરિવાજો દુર કરવા સહિત ના કાયૅ કરી બહેનોની દિવ્યતા અને પવિત્રતા થકી પરમાત્મા નું કતૅવ્ય જ્ઞાન પિરસવામાં આવ્યું છે અને તેના બીજ સશકત બની આજે વટવૃક્ષ બન્યા છે.બ્રહ્માકુમારી ની બહેનોએ મીરા બની માનવ કલ્યાણ નો ઉધ્ધાર કરી આજે ૫૦ વષૅની ગોલ્ડન જયુબિલી ઉજવવાનુ આયોજન કર્યું છે.

૫૦ વષૅ પૂવૅ પાટણ માં બ્રહ્માકુમારી બહેનોને સેન્ટર માટે એક વષૅમાં બીલાડીની જેમ સાત વાર મકાન બદલવુ પડયું હતું. છતાં બ્રહ્માકુમારીની બહેનોએ પરમ કૃપાળુ પરમાત્મા ના કાર્યમાં અવિરતપણે કાર્ય કરી આજે બ્રહ્માકુમારી પરિવાર દ્વારા ચાર મકાન બનાવવામા આવ્યા છે.આવશ્યકતા આવિષ્કાર ની જનની છે બ્રહ્માકુમારી સંસ્થાનમાં ગુપ્ત દાનને મહત્વ આપવામાં આવે છે ત્યારે પાટણ ઉઝા માગૅ પર આકાર પામેલ વિશાળ બ્રહ્માકુમારી સંકુલ ની ભવિષ્યમાં ખૂબ સુંદર સેવાઓ વધશે.સમાજ મા અત્યારે ટેન્શન વધી રહ્યા છે ત્યારે પરિસ્થિતિ ના સમયે દરેક આત્મા પરમાત્મા પાસે રાજયોગ નું જ્ઞાન મેળવવા આવશે ત્યારે પાટણ નુ આ કેન્દ્ર લાઈટ હાઉસનું કામ કરશે તેમ જણાવી આગામી તા. ૩ અને તા.૪ ફેબ્રુઆરીએ યોજાનાર ત્રિવિધ કાર્યક્રમ ની માહિતી પ્રદાન કરી હતી.બ્રહ્માકુમારી સેન્ટર ખાતે આયોજિત કરાયેલ પાટણ ના ઈલેક્ટ્રોનિક તેમજ પ્રિન્ટ મીડિયા ની બેઠક પૂર્વે પાટણના પત્રકાર રાજુભાઈ સોનીએ સૌને આવકાયૉ હતા. જયારે આભાર વિધિ સિનિયર પત્રકાર અશ્વિનભાઈ જોષી દ્રારા કરવા માં આવી હતી.

અહેવાલ યશપાલ સ્વામી