જિલ્લા ભાજપ કાર્યાલય ખાતે બક્ષીપંચ મોરચાની કારોબારી બેઠક યોજાઈ..
પાટણ તા. ૬
પાટણ જિલ્લા ભાજપ કાર્યાલય ખાતે લોકસભાની ચૂંટણીની તૈયારીના ભાગરૂપે પાટણ જિલ્લા ભાજપ બક્ષીપંચ મોરચાની કારોબારી બેઠક મોરચા ના પ્રમુખ ડી.એન.ચૌધરીની અધ્યક્ષતા માં મળી હતી. આ બેઠકમાં જિલ્લા પ્રમુખે જણાવ્યું હતું કે કેન્દ્રમાં ભારતીય જનતા પાર્ટીની સરકાર સતત ત્રીજીવાર સ્પષ્ટ બહુમતી સાથે બની રહી છે અને દેશના વડાપ્રધાન પદે નરેન્દ્રભાઈ મોદી હેટ્રિક કરવાના છે.ત્યારે ભારતીય જનતા પાર્ટીના પ્રદેશ અધ્યક્ષ સી.આર પાટીલ દ્વારા ગુજરાતની 26 સે 26 લોકસભા સીટો પાંચ લાખ કરતાં વધારે મતોથી જીતવા માટે આહવાન કર્યું છે.જેના ભાગરૂપે વિવિધ કાર્યક્રમોનું આયોજન કરવામાં આવી રહ્યું છે.
પાટણ જિલ્લા બક્ષીપંચ મોરચા દ્વારા ખાટલા બેઠક અને બક્ષીપંચ સમાજની છાત્રાલયોની મુલાકાત કરવા ના કાર્યક્રમો માટે બક્ષીપંચ મોરચાના પ્રદેશ અધ્યક્ષ મયંકભાઈ નાયક દ્વારા સૂચના કરવા માં આવી છે. ત્યારે પાટણ જિલ્લા ભાજપ બક્ષીપંચ મોરચા દ્વારા આ કાર્યક્રમનો આગામી દિવસમાં પ્રારંભ કરવામાં આવનાર હોવાનું તેઓએ જણાવ્યું હતું.આ કારોબારી બેઠકમાં બક્ષીપંચ મોરચાના જિલ્લા મહા મંત્રી રમેશ ભાઈ દેસાઈ, બચુજી ઠાકોર,ઉપપ્રમુખ પ્રહલાદજી ઠાકોર, જિલ્લા મંત્રી સંજયભાઈ મોદી,ગોવિંદ ભાઇ દેસાઈ સહિત પાટણ મંડળ મોરચાના પ્રમુખ,મહામંત્રી ઉપસ્થિત રહ્યા હતા.
