હારીજ મામલતદાર કચેરીના ધાબા પરથી મામલતદાર વી.ઓ. પટેલે મોતની છલાંગ લગાવતાં સનસનાટી મચી..

મામલતદાર ના આત્મહત્યા ના પગલે પરિવારજનો સહિત પોલીસ ઘટના સ્થળે દોડી આવી..

મામલતદાર ની આત્મહત્યાનું કારણ જાણવા પોલીસે તપાસના ચક્રો ગતિમાન બનાવ્યા..

પાટણ તા. ૧૧
પાટણ જિલ્લાના તાલુકા મથક હારીજ ખાતે મામલતદાર કચેરીમાં મામલતદાર તરીકે વી ઓ પટેલ રવિવારે સવારે 9:30 કલાકના અરસામા અગમ્ય કારણોસર નવીન મામલતદાર કચેરીના ધાબા ઉપરથી મોતની છલાંગ લગાવી પોતાની જીવનલીલા સંકેલી લીધી હોવાની ધટનાને પગલે હારીજ શહેર સહિત નવીન મામલતદાર કચેરીમાં સનસનાટી મચી જવા પામી હતી તો બનાવની જાણ આત્મ હત્યા કરનાર મામલતદાર ના પરિવારજનો સહિત હારીજ પોલીસ ને જાણ થતાં તેઓ તાત્કાલિક ધટના સ્થળે દોડી આવ્યા હતા.

પોલીસે લાશનું પંચનામું કરી પીએમ અર્થે હારીજ રેફરલ હોસ્પિટલ ખાતે મોકલી આપી મામલતદાર ની આત્મહત્યાનું કારણ જાણવા તપાસના ચક્રો ગતિમાન બનાવ્યા હતા.

આ બાબતે આધારભૂત સૂત્ર તરફથી મળતી હકીકત મુજબ પાટણ ખાતે રહેતા અને હારીજ મામલતદાર કચેરીમાં મામલતદાર તરીકે ફરજ બજાવતા વી.ઓ.પટેલ રવિવારે હારીજ મામલતદાર કચેરી ખાતે અંબાજી 51 શક્તિપીઠના પરિક્રમાના પ્રારંભ પૂર્વે આયોજનના ભાગરૂપે વિચાર વિમલ અર્થે બપોરે ત્રણ કલાકે બેઠકનું આયોજન કરાયું હોય જે બેઠક અનુસંધાનમાં મામલતદાર વી.ઓ.પટેલ વહેલી સવારે 9:00 કલાક ના સુમારે હારીજ ખાતે ની મુજપુર રોડ પર આવેલી નર્મદા વિભાગની કચેરી ના બીજા માળે કાયૅરત બનાવેલ મામલતદાર કચેરી ખાતે પહોંચ્યા હતા અને ફરજ પરના સિકયુરીટી એ દરવાજો ખોલતા મામલતદાર વી. ઓ.પટેલ સીધા જ મામલતદાર કચેરી ના ધાબા ઉપર ગયા હતા

અને ત્યાંથી અગમ્ય કારણોસર તેઓએ મોતની છલાંગ લગાવતા લોહી નીતરતી હાલતમાં તેઓનું ઘટના સ્થળે પ્રાણ પંખેગુ ઉડી જતા અને કેમ્પસમાં રહેલા કુતરાઓ અચાનક ભસ્તા ફરજ પરના સિક્યુરિટીએ કચેરી પાછળ તપાસ કરતા મામલતદાર વી.ઓ.પટેલ લોહી લુહાણ હાલત પટકાયેલ જોવા મળતા તેઓએ મામલતદાર કચેરી ના અન્ય સ્ટાફ ને ધટના ની જાણ કરતાં તેઓ ધટના સ્થળે દોડી આવ્યા હતા અને બનાવની જાણ મામલતદાર ના પરિવારજનો સહિત હારીજ પોલીસ ને કરતાં તેઓ પણ સ્થળ પર દોડી આવી પંચનામું કરી મામલતદારની લાશને પીએમ અર્થે હારીજ રેફરલ હોસ્પિટલમાં ખસેડી મામલતદાર ની આત્મહત્યાનું કારણ જાણવાના ચક્રો બનાવ્યા હતા.

આ સમાચાર લખાય છે ત્યાં સુધી મામલતદાર પટેલના આત્મહત્યાનું કારણ જાણી શકાયું નથી.તો બનાવને પગલે મૃતક મામલતદારના પરિવારજનો સહિત હારીજ મામલતદાર કચેરી ના સ્ટાફમાં ગમગીની છવાઈ જવા પામી હતી.

અહેવાલ યશપાલ સ્વામી