પાટણ પાંજરાપોળના ગ્રાઉન્ડ ખાતે બધિર ક્રિકેટ ટુર્નામેન્ટ 2024 મા બધિર ખેલાડીઓએ ચોગ્ગા છગ્ગા લગાવ્યા..

મૂકબધિર મિત્ર મંડળ અને રોટરી કલબ પાટણના સૌજન્યથી આયોજિત બધિર ક્રિકેટ ટુર્નામેન્ટ માં બધિર ટીમોએ ભાગ લીધો…

પાટણ તા. ૧૮
પાટણની શ્રી સરસ્વતી બધિર એજ્યુકેશન ટ્રસ્ટ સંચાલિત મુક બધિર મિત્ર મંડળ તથા રોટરી ક્લબ ઓફ પાટણના સૌજન્યથી બધિર ક્રિકેટ ટુર્નામેન્ટ – 2024 નો રવિવાર ના રોજ શહેરના ભૈરવ મંદિર પાસેના પાંજરા પોળ ના ગ્રાઉન્ડ ખાતે આયોજન કરવામાં આવ્યું હતું.બધિર ક્રિકેટ ટુર્નામેન્ટ નો પ્રારંભ રોટરી કલબ પાટણના પ્રમુખ ઝુઝાર સિહ સોઢા, મંત્રી વિનોદભાઈ સુથાર, બધિર એજયુકેશન ના સંસ્થાપકો ની ઉપસ્થિત મા કરવામાં આવ્યો હતો.

બધિર ક્રિકેટ ટુર્નામેન્ટ 2024 માં પાટણ બધિર ખેલાડીઓએ ભાગ લઈને ચોગ્ગા છગ્ગા ની ફટકા બાજી લગાવી સામાન્ય ક્રિકેટરો ને પણ ચકિત કયૉ હતા. વિજેતા ટીમ, રનસૅઅપ ટીમ સહિત ટુર્નામેન્ટમાં ભાગ લેનાર બધિર ટીમોને શિલ્ડ, પ્રમાણપત્ર અને રોકડ પુરસ્કાર થી નવાજવામાં આવી હતી.

બધિર ક્રિકેટ ટુર્નામેન્ટ 2024 ના આયોજન ને સફળ બનાવવા પ્રોજેક્ટ ચેરમેન રો.ઘેમરભાઈ દેસાઈ, રો. હિતેશભાઈ રાવલ સહિત રોટરી કલબ પાટણના સભ્યો સાથે શ્રી સરસ્વતી બધિર એજયુકેશન ટ્રસ્ટ પાટણ દ્વારા જહેમત ઉઠાવી હતી.

અહેવાલ યશપાલ સ્વામી