હવામાન વિભાગની આગાહી મુજબ પાટણ શહેર સહિત પંથકમાં કમોસમી વરસાદી ઝાપટું પડયું…

તંત્ર ની આગોતરી સુચના અનુસાર ખેડૂતો ની તૈયારી ના કારણે પાકને નુકસાન થતું અટકયુ…

પાટણ તા. ૨
હવામાન વિભાગની આગાહી મુજબ શનિવારે સવારે પાટણ શહેર સહિત પંથકના વાતાવરણમાં બદલાવ આવવાની સાથે કમોસમી વરસાદ નું ઝાપટું પડયું હતું. કમોસમી પડેલા વરસાદ ને કારણે ખેડૂતો એ પોતાના પાકના રક્ષણ માટે અને પાકને નુકશાનીથી બચાવવા માટે ખેતરમાં કાપણી કરેલ પાક ને તાત્કાલીક સલામત સ્થળે ખસેડવાની કાર્યવાહી હાથ ધરવાની સાથે પ્લાસ્ટિક તાડપત્રીથી યોગ્ય રીતે ઢાકી દઈ અને ઢગલાની ફરતે માટીનો પાળો બનાવી વરસાદનું પાણી ઢગલાની નીચે જતું અટકાવ્યું હતું.

તો જંતુનાશક દવા અને ખાતર બિયારણના વિક્રેતાઓએ જથ્થો પલળે નહી તે મુજબ ગોડાઉનમાં સુરક્ષિત કયૉ હતા.પાટણ એ.પી.એમ.સી.મા વેપારી અને ખેડુત મિત્રોએ પણ કમોસમી વરસાદ ની સંભાવનાને ધ્યાનમાં રાખી ને આગોતરા આયોજન કરી સાવચતીના પગલા લીધા હોવાનું જિલ્લા ખેતીવાડી અધિકારીની કચેરી ના સુત્રો એ જણાવ્યું હતું.

શનિવારે સવારે વાતાવરણમાં બદલાવ આવતા આકાશમાં કાળા ડીબાંગ વાદળો સાથે મેઘ વર્ષા થતા વાતાવરણ માં ઠંડકની લહેર પ્રસરી જવા પામી હતી.

અહેવાલ યશપાલ સ્વામી