સુસાઇડ પોઇન્ટ તરીકે પંકાયેલા પાટણના સિદ્ધિ સરોવર માં અસ્થિર મગજના પટણી યુવા અને મોતની છલાંગ લગાવી…

બનાવની જાણ પાલિકા પ્રમુખ સહિત વિસ્તારના કોર્પોરેટર ને થતા ઘટના સ્થળે દોડી ગયા..

પાટણ તા. ૮
સુસાઇડ પોઇન્ટ તરીકે પાટણ નું સિદ્ધિ સરોવર પ્રચલિત બન્યું છે.ત્યારે શિવરાત્રીના પવિત્ર દિવસે કોઈ પટણી સમાજના માનસિક અસ્થિર મગજના યુવાને મોત છલાંગ લગાવી હોવાની ઘટના પ્રકાશ મા આવતાં અને બનાવની જાણ પાલિકા પ્રમુખ હિરલબેન પરમાર સહિત વિસ્તાર ના નગરસેવક દેવચંદભાઈ પટેલ ને થતાં તેઓએ ધટના સ્થળે પહોંચી સિધ્ધી સરોવરમાં મોતની છલાંગ લગાવનાર યુવાનની શોધ ખોળ માટે પાલિકા ટીમ ને કામે લગાડી હોવાનું જાણવા મળ્યું છે. બનાવની મળતી હકીકત મુજબ પાટણ શહેરના મીરા દરવાજા નજીક આવેલ મીરા પાર્ક સોસાયટીમાં રહેતા પટણી પરિવારના અસ્થિર મગજ ધરાવતા યુવાને શિવરાત્રીના પવિત્ર દિવસે જ પાટણમાં સુસાઇડ પોઇન્ટ તરીકે પંકાયેલા સિદ્ધિ સરોવરમાં મોતની છલાંગ લગાવી હોવાની જાણ લોકોને થતા ઘટના સ્થળે ટોળેટોળાં ઉમટી પડ્યા હતા તો ઘટના સ્થળેથી મળેલ સાલ અને ચંપલ ઉપરથી ઉપરોક્ત યુવાન મીરા દરવાજા નજીક આવેલ મીરા પાર્ક નો પટણી પરિવારનો અસ્થિર મગજ ધરાવતો યુવાન હોવાનું જાણવા મળ્યું હતું

તો બનાવના પગલે પાલિકા પ્રમુખ હિરલબેન પરમાર અને વિસ્તારના કોર્પોરેટર દેવચંદભાઈ પટેલ પણ ઘટના સ્થળે દોડી ગયા હતા અને મોતની છલાંગ લગાવનાર યુવાનની શોધખોળ માટે પાલિકા ની ટીમ ને કામે લગાડી હતી જોકે આ સમાચાર લખાઈ છે ત્યાં સુધી યુવાનની કોઈ ભાળ નહિ મળી હોવાનું જાણવા મળ્યું છે. પાટણના સુસાઇડ પોઇન્ટ તરીકે પંકાયેલા સિદ્ધિ સરોવર મા બનતા આત્મહત્યાના બનાવને અટકાવવા પાલિકા પ્રમુખે જણાવ્યું હતું કે અગાઉ પીતાંબર તળાવના બ્યુટીફિકેશન માટે મંજૂર થયેલી ગ્રાન્ટ સિદ્ધિ સરોવરના બ્યુટીફિકેશન માટે ફાળવાય તે માટે દરખાસ્ત કરવામાં આવી હોય જે દરખાસ્ત મંજૂર થયા સિદ્ધિ સરોવરના બ્યુટીફિકેશનની સાથે સિક્યુરિટી અને સરોવરને કોડન કરવાની કામગીરી હાથ ધરી આત્મહત્યાઓ ની બનતી ઘટનાઓને અટકાવવાનો પ્રયાસ કરવામાં આવનાર હોવાનું તેઓ એ  જણાવ્યું હતું.

અહેવાલ યશપાલ સ્વામી