પાટણ તા. ૩૧
રાજકોટ ખાતે બનેલ ટી.આર.પી. ગેમ ઝોનની ગોઝારી દુર્ઘટના બાદ રાજ્ય સરકાર સફાળી જાગી છે અને રાજ્યભરમાં સ્કૂલ, હોસ્પિટલ, ટ્યુશન ક્લાસ, વાડીઓ, મોલ, ધાર્મિક સ્થળો વગેરે સ્થળોએ ફાયર સેફ્ટી અને ફાયર એન ઓસી ની ચકાસણી કરવાના આદેશ કર્યા છે. ત્યારે આ આદેશ હેઠળ શુક્રવારે પાટણ નગર પાલિકાએ શહેરમાં સરકારે જણાવેલ સ્થળોએ સર્વે શરૂ કર્યો હતો.
મળતી માહિતી મુજબ કેટલીક જગ્યાએ ચકાસણી કરાઈ છે જેમાં હોસ્પિટલ, ટ્યુશનક્લાસીસ વગેરેમાં તપાસ શરૂ કરવામાં આવી રહી છે. ત્યારે કેટલીક જગ્યાએ ફાયર સિસ્ટમ તો હતી પણ ફાયર એન ઓ સી નહીં હોવાનું સૂત્રો દ્વારા જાણવા મળ્યું છે.
પાટણ નગર પાલિકાએ ફાયર NOC ના હોય તેવા લોકો ની તપાસ કરી નોટિસ આપવામાં આવી રહી હોવાનું પાટણ ફાયર વિભાગ ના અધિકારી સ્નેહલ મોદીએ જણાવ્યું હતું.
અહેવાલ યશપાલ સ્વામી
