પાટણ ની પ્રેરણા મંદિર પ્રા.શાળા તથા એન બી પટેલ પ્રેરણા મંદિર મા. શાળાના ભૂતપૂર્વ વિદ્યાર્થી ઓનો સન્માન સમારંભ યોજાયો.

પૂ. નિજાનંદજી મહારાજ અને પાટણ એપીએમસી ના ચેરમેન દ્વારા ભૂતપૂર્વ વિદ્યાર્થીઓને સન્માનિત કરાયા…

પાટણ તા. ૧૧
પાટણ એપીએમસી હોલ ખાતે પાટણની પ્રેરણા મંદિર પ્રાથમિક શાળા અને માધ્યમિક શાળાના ભૂતપૂર્વ વિદ્યાર્થીઓનો સન્માન સમારોહ કાર્યક્રમ ગોતરકાના સંત શ્રી નિજાનંદજી મહારાજ અને પાટણ એપી એમ સી ના ચેરમેન સ્નેહલભાઈ પટેલ ના અધ્યક્ષ સ્થાને આયોજિત કરવામાં આવ્યો હતો. આ પ્રસંગે પરમ પૂજ્ય સંત શ્રી નિજાનંદ બાપુ બ્રહ્મચારી આશ્રમ ગોતરકાવાળાએ ભૂતપૂર્વ વિદ્યાર્થી ઓને આશિર્વાદ પાઠવી જણાવ્યું હતું કે તમે સૌ ભાગ્યશાળી છો જેણે ગમે ત્યાં પ્રત્યાપણૅ કર્યું છે પણ તમે તમારી પ્રેરણા મંદિર ને યાદ રાખી છે અને તમારી વિદ્યાર્થી અવસ્થા ને તમે યાદ રાખી છે.

આજના આ ભૌતિકતાથી જગત ભરાવા લાગ્યું છે પરંતુ ભૌતિક વસ્તુ સંતોષ આપી શકતી નથી માનવ જગતે અતિ સ્પીડ પકડી છે આખી દુનિયાને સમજાવી શકાય છે પરંતુ પોતાના મનને સમજાવી શકાતું નથી આજે લોકોની વિચારધારા બદલાય છે

લોકો પોતાના પરિવારનું તથા પોતાનું જ વિચારે છે પણ જે દિવસે તમે આ વિચારધારામાંથી બહાર નીકળી બીજાની પરિસ્થિતિનું વિચારશો એ દિવસે તમે પ્રેરણા મંદિરની સાચી આરાધના કરી છે તેમ સમજો તમારી ઓળખાણ તમારી સ્કૂલે નિર્માણ કરી છે. સમૃદ્ધિ સંસ્કારોની છે. સંસ્કૃતિની છે વિદ્યા એને કહેવાય છે જે બીજાના જીવનમાં પરિવર્તન લાવી શકે એ પ્રેરણા મંદિરના વિદ્યાર્થીઓએ સાકાર કરી બતાવ્યું છે તમે દિન પ્રતિદિન પ્રેરણામંદિર શાળાનું નામ રોશન કરતા રહો તેવી શુભેચ્છા પાઠવી હતી.

આ પ્રસંગે એપીએમસી પાટણના ચેરમેન સ્નેહલભાઈ પટેલે જણાવ્યું હતું કે પ્રેરણામંદિરના ભૂતપૂર્વ વિદ્યાર્થીઓએ ખૂબ સફળતા હાંસલ કરી પ્રેરણા મંદિર શાળા ની ભવ્યતા શિક્ષણ ની આંખે ઉડીને વળગે એ પ્રકારનું આજે પ્રેરણા મંદિરનું ગૌરવ વધાર્યું છે અને આપ સર્વના સન્માન બદલ સર્વને શુભેચ્છા પાઠવું છું.આ પ્રસંગે પ્રેરણા જીવન વિકાસ ટ્રસ્ટના મંત્રી ચંદ્રકાંતભાઈ એન પટેલ દ્વારા આવેલ તમામ મહેમાનોનું શાબ્દિક સ્વાગત કરવામાં આવ્યું હતું તથા શાળાના નિયામક શ્રીમતી અરુણાબેન સી પટેલે પણ મહેમાનો ને આવકાર્યા હતા.

આ પ્રસંગે શાળાના ભૂતપૂર્વ વિદ્યાર્થીઓએ પોતાના મંતવ્યો રજૂ કર્યા હતા આ પ્રસંગે અશેષ કુમાર એચ મહેતા ,પી પી પટેલ, અશોકભાઈ ઠક્કર ,ધનરાજભાઇ ઠક્કર વગેરે મહાનુભાવોએ ખાસ ઉપસ્થિત રહી ભૂતપૂર્વ વિદ્યાર્થીઓને શુભેચ્છા પાઠવી હતી. કાર્યક્રમ ની આભાર વિધિ અશેશકુમાર એચ મહેતા દ્વારા કરવામાં આવી હતી.

અહેવાલ યશપાલ સ્વામી