પાટણના આનંદ સરોવરમાં પંપીંગ મશીનરી સાથે ડીજી જનરેટર સેટ ના કામનું ખાત મુર્હુત કરાયું..

ચોમાસા દરમ્યાન સર્જાતી પાણી ભરાવાની સમસ્યા નું નિરાકરણ આવશે..

પાટણ તા.15
લોકસભા ચૂંટણીની આચાર સંહિતા લાગુ પડે તે પૂર્વે પાટણ નગરપાલિકા દ્વારા શહેરના બાકી રહેલા વિકાસ કામો વેગવંતા બનાવવામાં આવ્યા છે.

ત્યારે શુક્રવારના રોજ પાટણ નગરપાલિકા દ્વારા શહેરના ગાયત્રી મંદિર નજીક આવેલા આનંદ સરોવરમાં દર ચોમાસા એ વરસાદી પાણી ભરાવાની સમસ્યાને નિવારવા 14 માં નાણાપંચની વર્ષ 2019 – 20 ની રૂ.46.69 445 ગ્રાન્ટમાંથી પંપીંગ મશીનરી સાથે ડીજી જનરેટર સેટ તેમજ સિવિલ સ્ટ્રક્ચર ના કામનું ખાતમુહૂર્ત પાલિકા પ્રમુખ હિરલબેન પરમાર ના વરદ હસ્તે કરવામાં આવ્યું હતું.

પાટણ નગરપાલિકા દ્વારા લોકસભાની ચૂંટણીની આચારસંહિતા લાગે તે પૂર્વે આનંદ સરોવરમાં હાથ ધરાયેલા વિકાસ કામના ખાતમુહૂર્ત પ્રસંગે નગરપાલિકાના પ્રમુખ હિરલબેન પરમાર, ઉપપ્રમુખ હીનાબેન શાહ, કારોબારી ચેરમેન મુકેશભાઈ પટેલ, કોર્પોરેટર મનોજભાઈ પટેલ, જયેશ ભાઈ પટેલ, ધર્મેશભાઈ પ્રજાપતિ, ઘનશ્યામભાઈ પટેલ સહિતના કોર્પોરેટરો અને કર્મચારીઓ ઉપસ્થિત રહ્યા હતા.

અહેવાલ યશપાલ સ્વામી