મરણ પ્રસંગે યોજાતા બેસણામાં આસનીયા અને સેતરંજી સાથે જરૂરિયાતમંદ દર્દી માટે કુલર ની સેવા શરૂ કરાઈ..
પાટણ તા. ૧૮
પાટણ પ્રજાપતિ સમાજ ના યુવા સેવાભાવી યુવાનો દ્વારા કાયૅરત શ્રી ચામુંડા મંડળ દ્વારા સમાજ સેવાના ભાગરૂપે સમાજના મરણ પ્રસંગે વહેલી સવારે યોજાતા બેસણા ની પરંપરા સમયે જરૂરિયાત મંદ પરિવાર ને આર્થિક રીતે મદદરૂપ બનવાની ભાવના સાથે બેસણા મા બેસવા માટે આવતા લોકો ને આસનીયા, સેતરંજી સહિતની સુવિધા વિના મૂલ્યે ઉપલબ્ધ બનાવવાની સાથે પ્રજાપતિ સમાજના કોઈ પણ પરિવાર મા બિમાર દર્દીને ઉનાળામાં ગરમી થી રક્ષણ મળે તે માટે નિશુલ્ક કુલર ની સેવા પૂરી પાડવાની સેવા પ્રવૃતિ નો પ્રારંભ કરવામાં આવ્યો છે..
પાટણ પ્રજાપતિ સમાજના યુવાનો દ્વારા કાયૅરત શ્રી ચામુંડા મંડળ દ્વારા સમાજ સેવાના ભાગરૂપે શરૂ કરવામાં આવેલ ઉપરોક્ત બંન્ને સેવા પ્રવૃતિઓને સમસ્ત પ્રજાપતિ સમાજના પરિવારજનોએ સરાહી સમાજના યુવાનોની નિસ્વાર્થ સમાજ સેવાની ભાવનાને બિરદાવી અભિનંદન પાઠવ્યા હતાં.
અહેવાલ યશપાલ સ્વામી