પાટણ તા. 16 પાટણના સરસ્વતી તાલુકાના વારેડા ગામે જાગૃતિ ઉત્તર બુનિયાદી વિદ્યાલય ખાતે 15 મી ઓગસ્ટ સ્વાતંત્ર પર્વની ઉજવણી કરવામાં આવી હતી જેમાં શાળાની તેજસ્વી વિદ્યાર્થીની ના વરદ હસ્તે રાષ્ટ્રધ્વજને લહેરાવી સલામી આપવામાં આવી હતી. વારેડા ની જાગૃતિ ઉત્તર બુનિયાદી વિદ્યાલયના આચાર્ય દ્વારા અગાઉ કરાયેલી જાહેરાત મુજબ શાળામાં ઉચ્ચ પરિણામ લાવનાર વિદ્યાર્થીની ઠાકોર અલ્પા કે જેણે ધો. 12 મા સમગ્ર શાળા મા ઉચ્ચ પરિણામ મેળવ્યું હોય તેના વરદ હસ્તે સ્વાતંત્ર પર્વ નિમિત્તે દેશ દુલારા રાષ્ટ્રધ્વજ ને ફરકાવી આચાર્ય એ પોતાનું વચન નિભાવ્યું હતું . તો આચાર્ય દ્રારા આગામી વરસે પણ જે વિદ્યાર્થી શાળામાં પ્રથમ નંબર લાવશે તેના હાથે રાષ્ટ્રધ્વજને લહેરાવવામાં આવશે તેવી જાહેરાત તેઓએ કરી વિધાર્થીઓને ઉચ્ચ પરિણામ લાવવા પ્રોત્સાહન પુરૂ પાડયું હતું.
અહેવાલ યશપાલ સ્વામી
