યુનિવર્સિટીના કુલપતિ ની શુભેચ્છા મુલાકાત લેતા પાટણ બ્રહ્મ સમાજના આગેવાનો અને જગન્નાથ મંદિરના ટ્રસ્ટીઓ…

યુનિવર્સિટીના શૈક્ષણિક વિકાસમાં પાટણના પ્રજાજનોનો સહકાર રહેશે : પિયુષભાઈ આચાર્ય…

પાટણ તા. ૧૯
પાટણની હેમચંદ્રાચાર્ય ઉત્તર ગુજરાત યુનિવર્સિટીના કુલપતિ પદે નિયુક્ત થયેલા પ્રો.કિરણભાઈ પોરીયા ની મંગળવારના રોજ પાટણ બ્રહ્મ સમાજ અને જગન્નાથ મંદિર ટ્રસ્ટના ટ્રસ્ટી સહિત પ્રબુધ્ધ નગરજનોએ શુભેચ્છા મુલાકાત લઇ યુનિવર્સિટીના વિકાસને વેગવંતો બનાવી શિક્ષણની નગરી તરીકે ખ્યાતિ પ્રાપ્ત પાટણ નું નામ રોશન કરવા શુભેચ્છાઓ પાઠવી હતી. નવનિયુક્ત કુલપતિ ની શુભેચ્છા પ્રસંગે ઉપસ્થિત રહેલા ગુજરાત સમસ્ત બ્રહ્મ સમાજ પાટણ જિલ્લાના પ્રમુખ અને જગન્નાથ મંદિર ટ્રસ્ટના મેનેજિંગ ટ્રસ્ટી પિયુષભાઈ આચાર્યએ જણાવ્યું હતું કે પાટણની યુનિવર્સિટી ગુજરાતમાં નંબર વન બને તે માટે પાટણ ની જનતા સહયોગ આપશે, આપ સુંદર વહીવટ કરીને નવા નવા વિભાગો શરૂ કરી અનેક કોલેજના વિદ્યાર્થી ઓનું ભાવિ ઉજ્વળ બનાવો તેવી શુભેચ્છાઓ પાઠવી હતી.

કુલપતિની શુભેચ્છા મુલાકાત દરમિયાન પાટણ જિલ્લા બ્રહ્મ સમાજના મહામંત્રી વિનોદભાઈ જોશી, અશ્વિનભાઈ જોશી, કાલિકા મંદિરના પૂજારી અશોકભાઈ વ્યાસ, પૂર્વ સિન્ડિકેટ મેમ્બર અને નગર પાલિકા ના કોર્પોરેટર શૈલેષ પટેલ, જાણીતા એન્કર અશોકભાઈ ત્રિવેદી, પૂર્વ મામલતદાર ગીરીશભાઈ દવે, નિવૃત્ત શિક્ષક અને બ્રહ્મ સમાજના મંત્રી દિલીપભાઈ દવે, પાટણ મોદી સમાજના ટ્રસ્ટી આશિષ મોદી,પીપલ્સ બેંક ના ડાયરેક્ટર પિયુષભાઈ મોદી, પૂર્વ કોર્પોરેટર આશિષ મોદી, જગન્નાથ મંદિર ના પુજારી કનુભાઈ શુક્લ સહિત મંદિરના ટ્રસ્ટીગણ સેવક ગણ સહિત પાટણના પ્રબુદ્ધ નગરજનો ઉપસ્થિત રહ્યા હતા.

અહેવાલ યશપાલ સ્વામી