પાટણ તા. ૨૭
જનમંગલ સેવા ચેરીટેબલ ટ્રસ્ટ – શંખેશ્વર પરિવાર દ્વારા અનેક વિધ સેવાકિય,શૈક્ષણિક અને સામાજિક પ્રવૃત્તિઓ કરી આગવી નામના પ્રાપ્ત કરી છે ત્યારે હોળી ધુળેટીનાં પાવન પર્વ નિમિતે વાદી વસાહતમાં રહેતા પરિવારજનોને ખજૂર વિતરણ કરવામાં આવ્યું હતું. આ સેવાકિય પ્રવૃતિ કરતાં જન મંગલ સેવા ટ્રસ્ટના સ્થાપક કર્મ વિરાંગના જીજ્ઞાબેન શેઠે જણાવ્યું હતું કે ઈશાવાસ્ય ઉપનિષદ ‘ તેન ત્યક્તેન ભુંજિથા ત્યાગીને ભોગવવાની જે સંકલ્પના રજૂ કરે છે એનો મુખ્ય હાર્દ આપણા જીવનની આવી નાની નાની પરોપકારી પ્રવૃત્તિઓમાં સમાયેલ છે. હોળી ધુળેટીની સાર્થકતા પણ આવી સેવાકિય પ્રવૃતિમાં સમાયેલી છે કે જ્યાં અભાવો વચ્ચે ભાવ પ્રગટ કરવામાં આવે...
ખજૂર મીઠાસનું પ્રતિક છે. કોઈ ગરીબની ઝુંપડીમાં જઈને જ્યારે આપણે આ મીઠાસ આપીએ છીએ ત્યારે હકિકતમાં આપણા હ્રદયનો ભાવ પણ સમર્પિત કરીએ છીએ. હોળી માત્ર કોઈ ગામના પાદરમાં કે સોસાયટી ના નાકે જ પ્રગટતી નથી હોતી, એ તો અનેક હૈયાના ખૂણે પ્રગટેલી હોય છે આસપાસ નજર કરજો ઘણાં બાળકો એવા હશે, જેમની આંખોની ચમક તમને જીવાડી દેશે. આ મીઠાસ સૌના જીવનમાં ધુળેટીના રંગો લઈને આવે તેવી જન મંગલ સેવા ટ્રસ્ટ પરિવાર શંખેશ્વર દ્વારા શુભકામના પાઠવવા માં આવી હતી.
અહેવાલ યશપાલ સ્વામી
