પાટણના જુના પાવર હાઉસ પાછળની જગ્યામાં અસહ્ય ગંદકી સાથે મૃત પશુઓની દુર્ગંધથી વિસ્તારના રહીશોને રાત્રિ ઉજાગરા કરવાની ફરજ પડી…

આ વિસ્તારમાંથી ગંદકીનો પોઇન્ટ કાયમી ધોરણે દૂર કરવાની માંગ સાથે રહીશો દ્વારા પાલિકા તંત્ર ને આવેદનપત્ર આપી રજૂઆત કરાઈ..

પાટણ તા. ૯
પાટણ નગરપાલિકા તંત્રની બેદરકારીને લઈને શહેરીજનો પારાવાર મુશ્કેલીઓ ભોગવી રહ્યા છે ત્યારે શહેરના જુના પાવર હાઉસ પાછળ નગરપાલિકા ની નાગરવાડા વોડૅ ઓફિસની ખુલ્લી જગ્યા મા પાલિકા ના સફાઈ કામદારો દ્વારા શહેરની ઉલેચેલી ગંદકી ના ઢગ આ જગ્યા ઉપર ખડકતાં હોવાના કારણે આ વિસ્તારના રહીશોને અસહ્ય બદબુ સાથે અનેક યાતનાઓ ભોગવવી પડી રહી છે.

ધણી વખત શહેરની ઉલેચવામા આવતી ગંદકી ની સાથે મરેલ બિલાડીઓ અને શ્ર્વાનો ના મૃતદેહ પણ આ ખુલ્લી જગ્યા મા પાલિકા ના સફાઈ કામદારો દ્વારા ફેકી દેવામાં આવતાં હોવાથી તેની દુગૅધ થી લોકો ના આરોગ્ય પણ જોખમાતા હોવાની પરિસ્થિતિ નું નિમૉણ થતું હોય છે.

આ વિસ્તારનીઆજુબાજુમાં હિન્દુ-મુસ્લિમ સમાજ ના ધાર્મિક સ્થળો, સ્કુલો સહિત લગ્ન પ્રસંગ માટે ની વાડીઓ આવેલ હોય ગંદકી ના કારણે લોકો ની ધાર્મિક લાગણી પણ દુભાતી હોય આ બાબતે અનેક વખત આ વિસ્તારમાં આવેલા કાજીવાડા ના રહીશ અને મુસ્લિમ સમાજ ના આગેવાન ભુરાભાઈ સૈયદ સહિત વિસ્તાર ની મહિલાઓ દ્વારા પાલિકા તંત્ર અને વોડૅ ઈન્સપેકટર સહિત વોડૅ ના ચુંટાયેલ નગર
સેવકો ને અનેકવાર રજૂઆત કરી આ વિસ્તાર માથી કાયમી ધોરણે ગંદકી નો પોઈન્ટ દુર કરવામાં આવે તેવી માગ કરવા છતાં પાલિકા ના નઘરોળ તંત્ર દ્વારા આજદિન સુધી આ ગંદકી ના સ્ટેન્ડ ને વિસ્તાર માથી દુર નહિ કરાતાં વિસ્તાર ના લોકો નો પાલિકા તંત્ર સામે ઉગ્ર રોષ જોવા મળી રહ્યો છે.

હાલમાં મુસ્લિમ સમાજ ના પવિત્ર રમઝાન માસના દિવસો ચાલી રહ્યાં છે ત્યારે સોમવારે પાલિકા ના સફાઈ કામદારો દ્વારા આ વિસ્તારમાં ખડકાયેલી કચરાની ગંદકી સાથે મૃત બિલાડી અને શ્ર્વાન ના મૃતદેહ ને પણ ફેંકતા અહિયા ના રહિશો ને આખી રાત આ દુગૅધ નો સામનો કરવો પડ્યો હોય જેને લીધે કાજીવાડા ની મહિલાઓ સાથે મુસ્લિમ સમાજ ના આગેવાન ભુરાભાઈ સૈયદ સહિત અન્ય આગેવાનો એ મંગળવારે પાલિકા ખાતે જઈ તંત્ર સમક્ષ રોષ સાથે ઉગ્ર રજૂઆત કરી આવેદનપત્ર આપી આ સમસ્યા નું કાયમી નિરાકરણ લાવવાની માગ કરી હોવાનું જાણવા મળ્યું છે.

અહેવાલ યશપાલ સ્વામી