પાટણના સરસ્વતી તાલુકાના વડિયા ગામના યુવાનનું પ્રેમ પ્રકરણમાં ઢીમ ઢોળાયું…

પ્રેમી યુવાન નું સિફટ ગાડી મા અપહરણ કરી પ્રેમી યુવતી ના કાકા સહિત ના ત્રણ ઈસમોએ ઢોર માર મારતા સારવાર દરમિયાન મોત નિપજ્યું..

પાટણ તા. ૯
પાટણ જિલ્લાના સરસ્વતી તાલુકાના વડીયા ગામના પ્રેમી યુવકનું પ્રેમી યુવતીના કાકા સહિત અન્ય ત્રણ શખ્સોએ swift ગાડીમાં અપહરણ કરી કાલુધી ગામના તળાવ પાસે લઈ જઈ ઢોર માર મારી ગંભીર ઇજા ઓ પહોંચાડતા સારવાર દરમિયાન પ્રેમી યુવકનું મોત નીપજતા પંથકના વિસ્તારમાં સનસનાટી મચી જવા પામી હતી તો બનાવની જાણ મૃતકના ભાઈ દ્રારા સરસ્વતી પોલીસ સ્ટેશનમાં કરાતાં પોલીસે તેઓ ની ફરિયાદ આધારે પ્રેમી યુવતી ના કાકા સહિત અન્ય ત્રણ શખ્સો સામે ગુનો નોંધી કાયદેસરની કાયૅ વાહી હાથ ધરી આરોપીઓને ઝડપી લેવાના ચક્રો ગતિમાન કયૉ હોવાનું જાણવા મળ્યું છે.

આ કામે પોલીસ સુત્રો તરફથી મળતી હકીકત મુજબ સરસ્વતી તાલુકાના વડીયા ગામે રહેતા ઠાકોર ભગાજી સવશીજી ગેમરજીને ઠાકોર અશ્વિનજી ભોપાજી રહે. વડીયા વાળાની ભત્રીજી સાથે અગાઉ પ્રેમ સંબંધ હોવાની ખબર પડેલ જેનું મન દુઃખ રાખીને પ્રેમી યુવતી ના કાકા અશ્વિનજી ભોપાજી ઠાકોર સહિત અન્ય ત્રણ ઠાકોર શખ્સોએ તા.૦૭ એપ્રિલ ના સાંજના સાડા સાતેક વાગ્યાના સુમારે સફેદ કલરની સ્વીફ્ટ ગાડીમાં ઠાકોર ભગાજી નું અપહરણ કરી પ્રથમ લોધી ગામના ચરેડામાં તેમજ કાલુધી ગામના તળાવ પાસે લઈ જઈ મારી નાખવાના ઇરાદે માથાના ભાગે તેમજ મોઢાના ભાગે તેમજ પેટના તેમજ બરડાના ભાગે લાતો તેમજ ફેટો દ્વારા મુઠ માર મારી ઈકો ગાડીમાં ખેતર ઉતારી નાસી ગયા હતા.

આ બનાવની જાણ ભગાજી ઠાકોર ના ભાઈ પિન્ટુજી સવશીજી ગેમરજીને થતાં તેઓ પોતાના ઈજાગ્રસ્ત ભાઈ ને લઇ સારવાર અર્થે પાટણ ખાનગી હોસ્પિટલમાં આવ્યાં હતાં. જયાં પ્રાથમિક સારવાર કરી તેને પરત ઘરે લાવવામાં આવ્યાં હતાં પરંતુ ઘરે લાવ્યા પછી ભગાજી ઠાકોર નો શ્વાસ વધી જતાં તેને પ્રાઈવેટ સાધનમાં પાછા દવાખાને સારવાર અર્થે ખસેડવામાં આવ્યા હતા જયાં ફરજ પરના તબીબી તેઓને દાખલ કરી સારવાર શરૂ કરી હતી જે સારવાર દરમિયાન ભગાજી ઠાકોર નું મોત નિપજ્યું હોય આ બાબતે મૃતક ભગાજી ઠાકોર ના ભાઈ પિન્ટુજી ઠાકોર ની ફરિયાદ આધારે સરસ્વતી પોલીસે ગુનો નોંધી બનાવ માં સંડોવાયેલ અશ્વિનજી ભોપાજી ઠાકોર સહિત અન્ય ત્રણ શખ્સોને ઝડપી લેવા ચક્રો ગતિમાન બનાવ્યાં હોવાનું જાણવા મળ્યું છે. પાટણ જિલ્લાના સરસ્વતી તાલુકાના વડીયા ગામે પ્રેમ પ્રકરણમાં પ્રેમી યુવકની હત્યાનો મામલો પંથકમાં ટોક ઓફ ધ ટાઉન બનવા પામ્યો છે.

અહેવાલ યશપાલ સ્વામી