સ્વિમિંગ પુલ મા પ્રવેશ માટેના ફોમૅનુ તા.22 અને 23 એપ્રિલ ના રોજ વિતરણ કરાશે..
પાટણ તા. ૧૦
પાટણ જિલ્લા રમત ગમત સંકુલ ખાતે સ્પોર્ટ્સ ઓથોરીટી ઓફ ગુજરાત ગાંધી નગર દ્વારા સંચાલીત સ્વીમીંગ પુલ ઉનાળા ની કાળઝાળ ગરમી ને ધ્યાનમાં રાખીને આગામી તા. 9 મેં થી શરૂ કરવામાં આવ નાર હોવાનું જાણવા મળ્યું છે.
સ્વિમિંગ પુલમા પ્રવેશ માટે ના ફોર્મનુ વિતરણ તા.22 અને તા.23 એપ્રિલ કરવા માં આવશે તો ફોર્મ વિતરણનો સમય સવારે 11 થી બપોરના 1 અને બપોરના 2 થી 4 દરમિયાન રમત ગમત સંકુલ ખાતે ના સ્વિમિંગ પુલ ના સ્થળ પર રહેશે.
પ્રવેશ ફોર્મની કિંમત રૂા. 50 રાખવામાં આવેલ છે. ભરેલા ફોર્મ તમામ વિગતો અને જરૂરી આધારો સાથે તા. 29-4-2024 થી તા. 2-5-2024 દરમિયાન ઉપરોક્ત સમય દરમિયાન પરત જમા કરાવવાના રહેશે. સ્વિમિંગ પુલ મા દસ વર્ષથી નીચેની ઉમર ના બાળકોને પ્રવેશ પ્રતિબંધિત કરવામાં આવ્યો છે તો ફોર્મ ફી 3 માસની કુલ રૂ. 1900 અને 9 માસની ફી રૂ।. 3700 ભર પાઈ કરવાની રહેશે તેવુ પાટણ જિલ્લા રમત ગમત વિકાસ અધિકારીએ જણાવ્યું હતું.
અહેવાલ યશપાલ સ્વામી
