પાટણ સોનીવાડા વિસ્તારમાં સોના ચાંદીના દાગીના ની દુકાનમાં શોટૅ સર્કિટના કારણે આગ ભભૂકી :રૂ.4 લાખથી વધુ નું નુંકશાન..

ફાયર વિભાગ ની ટીમે ધટના સ્થળે દોડી આવી પાણીનો મારો ચલાવી આગ પર કાબૂ મેળવ્યો..

સોનીવાડા ની સાકડી બજારમાં આગ લાગવાની ધટનાને લઈ સજૉયેલ ટ્રાફિક ની સમસ્યાને નિવારવા પોલીસને કમર કસવી પડી..

પાટણ તા. ૧૫
પાટણ શહેરના સોનીવાડા વિસ્તાર માં સોના ચાંદીના દાગીનાની દુકાનમા સોમવારે સવારે કોઈ અગમ્ય કારણોસર શોર્ટ સર્કિટ થતા આગ ભભૂકી ઉઠી હતી. આ આગ ની ધટના સજૉતા દુકાન માલિક ને અંદાજીત રૂ. 4 લાખનું નુકસાન થયું હોવાનું વેપારીએ જણાવ્યું હતું.

બનાવની મળતી માહિતી મુજબ પાટણ શહેરના સોનીવાડા માં સોના ચાંદીના દાગીના ની દુકાન ધરાવતા રાજુભાઇ અંબા લાલ પંચાલ સોમવારે પોતાની દુકાન માં સવારે દિવા બતી કરતા હતા તે સમયે કોઈ અગમ્ય કારણો સર દુકાન માં શોર્ટ સર્કિટ થતા આગ ભભૂકી ઉઠી હતી. તો આગની જ્વાળા ઓથી બચવા દુકાન માલિક દુકાન બહાર નીકળી ગયા હતા અને જોત જોતા માં આગ સમગ્ર દુકાન માં પ્રસરી જતા આજુબાજુના વેપારીઓ ધટના સ્થળે દોડી આવ્યા હતા.

અને બનાવની જાણ પાટણ ફાયર વિભાગ ને કરતા ફાયર વિભાગ ની ટીમ અને પોલીસ ઘટના સ્થળે આવી પહોંચી હતી અને આગ પર પાણી નો મારો ચલાવી આગ પર કાબુ મેળવ્યો હતો. તો જીઈબી સ્ટાફે પણ બનાવના પગલે આ વિસ્તારનો વીજ સપ્લાય બંધ કરી દેવાની ફરજ પડી હતી.

બનાવના પગલે સોનીવાડા ના સાકડા માગૅ પર સજૉયેલ ટ્રાફિક ને દૂર કરવા પોલીસે પણ કમર કશવી પડી હતી. સોના ચાંદીના દાગીના ની દુકાનમાં શોર્ટ સર્કિટના કારણે લાગેલી આગમાં અંદાજિત ₹4, 00, 000 થી વધુનું નુકસાન થયું હોવાનું વેપારીએ જણાવ્યું હતું.

અહેવાલ યશપાલ શ્યામી