પાટણ તા.15
બંધારણના ઘડવૈયા ડોક્ટર બાબા સાહેબ આંબેડકર ની તા. 14 એપ્રિલના રોજ 133 મી જન્મ જયંતી પ્રસંગે પાટણ શહેરના બગવાડા સ્થિત ડોક્ટર બાબા સાહેબ આંબેડકર ની પ્રતિમાને વિવિધ રાજકીય પાર્ટીઓ સહિત વિવિધ સંસ્થાઓ અને ભારતીય જનતા પાર્ટી અનુસૂચિત જાતિ મોરચાના આગેવાનો અને કાર્યકર્તાઓ દ્વારા પણ માલ્યાપણૅ કરી શ્રધ્ધા સુમન સમપિર્ત કરવામાં આવ્યાં હતાં.
ડોક્ટર આંબેડકર જીના 133 માં જન્મ જયંતી નિમિત્તે બગવાડા દરવાજા ખાતે ભારતીય જનતા પાર્ટી અનુસૂચિત જાતિ મોરચા દ્વારા આયોજિત કરાયેલા પુષ્પાંજલિ કાર્યક્રમ દરમિયાન ઉપસ્થિત રહેલા કાર્યકર્તાઓ દ્વારા ડો. બાબાસાહેબ આંબેડકર અમર રહો ના બુલંદ નારાઓથી વાતાવરણ ગુંજી ઉઠ્યું હતું.
ડોક્ટર આંબેડકરજી ના જન્મદિન જયંતિ પ્રસંગે આયોજિત કાર્યક્રમમાં ભારતીય જનતા પાર્ટી અનુસૂચિત જાતિ મોરચાના આગેવાનો, કાર્યકરો સહિતના મહાનુભાવો ઉપસ્થિત રહ્યા હતા અને ડો. આંબેડકર જી ની પ્રતિમાને માલ્યાપણૅ કરી શ્રદ્ધા સુમન સમર્પિત કર્યા હતા.
અહેવાલ યશપાલ શ્યામી
