પાટણના દુધારામપુરા- દુનાવાડા માર્ગ પર નાયરા કંપની ના પેટ્રોલ પંપ મા પાણી મિકસ પેટ્રોલ ડીઝલ આવતું હોવા ની ફરિયાદ આધારે પુરવઠા અને તોલમાપ કચેરી દ્વારા તપાસ હાથ ધરી તથ્ય જણાતા પેટ્રોલ-ડીઝલનો જથ્થો સીઝ કરાયો..

ટીમ દ્વારા નાયરા પેટ્રોલ પંપ પરથી પેટ્રોલ જથ્થો 6061 લીટર અને ડીઝલ 14767 લીટર જથ્થો મળી કુલ રૂ. 19,05490 માલ સીલ કરાયો.

પાટણ તા. ૧૬
પાટણ પંથકના દુઘારામપુરા – દુનાવાડા ગામના માગૅ પર આવેલા નાયરા કંપનીના પેટ્રોલ પંપ ઉપર થી પેટ્રોલ-ડિઝલ પુરાવનાર ગ્રાહકોએ આ પેટ્રોલ પંપ પર પેટ્રોલ અને ડિઝલની સાથે સાથે પાણી આવતું હોવા ના આક્ષેપ કરી પેટ્રોલ પંપ પર હંગામો મચાવી આ મામલે વિરોઘ પ્રદશિર્ત કરી પેટ્રોલ પંપ પર પેટ્રોલ અને ડિઝલની જગ્યાએ પાણી આવતું હોવાની

તપાસ મામલે કાર્યવાહી કરવાની માંગ કરતા અને ઉપરોક્ત સમાચાર તા.૧૫ એપ્રિલ ના રોજ સમાચાર પત્રમાં “પેટ્રોલ પંપ ઉપર પાણી ભેળસેળ વાળું પેટ્રોલ અને ડીઝલ હોવાના આક્ષેપ સાથે હોબાળો” શીર્ષક સાથેના પ્રસિદ્ધ થતાં જે સમાચાર આધારે જિલ્લા પુરવઠા અધિકારી પાટણ તથા તેમની ટીમ તેમજ તોલ માપ અધિકારી તથા તેમની ટીમ અને નાયરા કંપનીની ટીમ દ્વારા તા. ૧૫ એપ્રિલ ના રોજ પેટ્રોલ પંપ પર આકસ્મિક તપાસણી હાથ ધરવામાં આવેલ હતી.

જે તપાસમાં પેટ્રોલ અને ડીઝલમાં પાણીનું ભેળસેળ જોવા મળેલ હતું તથા છેલ્લા ત્રણ દિવસથી પેટ્રોલ પંપ પરના સી.સી.ટી.વી. કેમેરા બંધ હોવાનું જણાયેલ આવેલ જે ઉક્ત ક્ષતિઓ કરી ધી ગુજરાત આ. ચી. વ. પરવાના નિયંત્રણ અને જથ્થા જાહેરાત આદેશ-૧૯૮૧ ની કલમ અને તે લગત પરવાનાની શરતોનું ઉલ્લંધન કાર્યનું જણાઈ આવતા ઉક્ત કાયદાની કલમ-૨૬ થી મળેલ અધિકારની રુએ અધિકારીઓ દ્વારા પેટ્રોલ પંપ પરના પેટ્રોલ અને ડીઝલના જથ્થા (કલમ-૬ એ) સીઝ કરવામાં આવેલ છે.

અધિકારી ની ટીમ દ્વારા નાયરા પેટ્રોલ પંપ પરથી તપાસ દરમિયાન ચીજ કરાયેલ પેટ્રોલ નો 6061 લીટર જથ્થો કિ. રૂ. 574097.92 અને ડીઝલ નો 14767 લીટર જથ્થો કિ. રૂ. 1331392.72 મળી કુલ રૂ.19,054 90 નો પેટ્રોલ ડીઝલનો જથ્થો સીઝ કરી આગળની કાર્યવાહી હાથ ધરવામાં આવી હોવાનું સુત્રો તરફથી જાણવા મળ્યું છે.

અહેવાલ યશપાલ શ્યામી