પાટણ સ્થિત શ્રી લિંબચ માતાજીના પ્રાગટય દિવસની ભક્તિ સભર માહોલમાં ઉજવણી કરાઈ..

માતાજીની પાલખી સાથે નિકળેલ શોભાયાત્રા મા મોટી સંખ્યામાં ભકતો જોડાયા..

પાટણ તા. ૧૭
પાટણ ખાતે સાલવીવાડા વિસ્તારમાં આવેલા શ્રી લિંબચ માતાની પોળમાં બિરાજમાન શ્રી લિંબચ માતાજી ના પૌરાણિક મંદિર પરિસરમાં માતાજીનો ચૈત્ર સુદ આઠમના પવિત્ર દિવસ પ્રાગટ્ય દિવસ ભક્તિ સભર માહોલમાં ઉજવવામાં આવ્યો હતો.

માતાજી ના પ્રાગટ્ય દિવસ નિમિત્ત માતાજીની પાલખી સાથે ભવ્ય શોભાયાત્રા ભક્તિ સંગીત ના સૂરો વચ્ચે પ્રસ્થાન પામે હતી જે શોભાયાત્રા શહેરમાં ફરી નિજ મંદિરમાં સંપન્ન બન્યા બાદ મંદિર શિખર પર ધજા ચડાવવા માટે નો ચઢાવો બોલાયો હતો

ત્યારબાદ રાત્રે માતાજી ની પલ્લી ભરવામાં આવી હતી આ પવિત્ર પ્રસંગે મોટી સંખ્યામાં ભાવિક ભકતોએ ઉપસ્થિત રહી માતાજીનાં દર્શન પ્રસાદનો લાભ લઈ ધન્યતા અનુભવી હતી.

માતાજીના પ્રાગટય દિવસની ઉજવણીમા બહારગામ થી આવેલા સંઘ અને યાત્રાળુઓએ પણ શ્રધ્ધા ભક્તિ સાથે માતાજીના દર્શન કરી રૂડા આશીર્વાદ પ્રાપ્ત કયૉ હતા .

અહેવાલ યશપાલ શ્યામી