ડો.વ્યોમેશ શાહ અને ડો. દીપ શાહ સહિત સ્ટાફ પરિવારે ભરતસિંહ ડાભી નું હુંફાળુ સન્માન કરી આવકાયૉ….
પાટણ તા. ૬
પાટણ લોકસભા ચૂંટણીના પ્રચાર પ્રસાર પડઘમ શાંત પડતાની સાથે જ આદર્શ આચાર સહિતા લાગુ થવા પામી છે ત્યારે ઉમેદવાર પણ ડોર ટુ ડોર પ્રચાર અભિયાનમાં જોડાયા છે.
પાટણ લોકસભા બેઠક ના ભારતીય જનતા પાર્ટીના ઉમેદવાર ભરતસિંહ ડાભી એ પોતાના ડોર ટુ ડોર પ્રચાર દરમિયાન પાટણના સુભદ્રા નગર વિસ્તારમાં આવેલ અવની હોસ્પિટલ ના જાણીતા ગાયનેક તબીબ ડો. વ્યોમેશ શાહ ની શુભેચ્છા મુલાકાત લેતા ડો. વ્યોમેશ શાહ અને તેમના પુત્ર ચિ. ડો. દીપ શાહ સહિત સ્ટાફના પ્રહલાદભાઈ રાવળ, વિષ્ણુભાઈ, રાજુભાઈ, પ્રવિણભાઈ, રજનીભાઈ દ્રારા ભરતસિંહ ડાભીને આવકારી બુકે, શાલ સાથે મો મીઠું કરી સન્માનિત કયૉ હતા
અને પાટણ લોકસભા બેઠક પર થી તેઓ જંગી બહુમતીથી વિજેતા બને તેવી શુભકામનાઓ પાઠવતાં ભરતસિંહ ડાભીએ ડો. વ્યોમેશ શાહ સહિત સમગ્ર અવની હોસ્પિટલ પરિવારનો આભાર વ્યક્ત કર્યો હતો. અવની હોસ્પિટલ ખાતે ભરતસિંહ ડાભીની શુભેચ્છા મુલાકાત દરમિયાન તેઓની સાથે મોહનભાઈ પટેલ, શૈલેષભાઈ પટેલ, મનોજભાઈ પટેલ, ચિંતન પ્રજાપતિ, યશપાલ સ્વામી ખાસ ઉપસ્થિત રહ્યા હતા.
અહેવાલ યશપાલ શ્યામી